________________
१८८
कुमारपालपतिबोधे
| तृतीय
तहा
काउं परोवयारं इमेहिं जर-जजरेहिं पाणेहिं । विढवंति जसं धम्मं च जे जणा ते धुवं धन्ना ॥ तो मूला-वुत्तंतो सिट्टो सिढिस्स तीए सव्वो वि। तं दसियं च गेहं अत्थि जहिं चंदणा खित्ता॥ उग्घाडियं दुवारं तस्स सयं सिटिणा तओ तत्थ । छुह-तिस-दूमिय-देहा दावानल-फरिसिय व्व लया ॥ पाय-जुगे निगलेहिं बडा तक्काल-गहिय-करिणि व्व । मुंडिय-मुंडा नव-भिक्खुणि व्व सा चंदणा दिट्टा ॥ बाह-सलिलाविलच्छो वच्छे ! सत्था-हव त्ति जंपंतो। तीए भोयण-हेउं झत्ति गओ रसवई सिट्टी। तत्थ मणुजं भुजं अपिच्छमाणो इमो विहि-वसेण । अप्पेइ चंदणाए कुम्मासे सुप्प-कोणम्मि ॥ भुंज तुमं ताव इमं जाव अहं निगड-भंजणत्थं ते। आणेमि लोहकारं इय भणिउं निग्गओ सेट्ठी ॥ अह चंदणा रुयंती विचिंतए अहह एस संसारो। सुविणिंद्याल-सरिसो निव्वेयं कुणइ नहु कस्स ॥ जेणाहं पुत्ती वि हु नरवइणो तारिसस्स होऊण । पत्ता इमं अवत्थं ता इम्हि किं करेमि हहा ! ॥ कुम्मासा संपत्ता संपइ छहस्स पारणंमि मए। जइ कोवि एइ अतिही ता दाउं तस्स भुंजेहं ॥ एवं विचिंतयंती दिहि दारम्मि चंदणा देइ ।। तइया वीरो भयवं भिक्खत्थं आगओ तत्थ ॥ धन्ना अहं अहो ! मे पुन्नं जीविय-फलं मए लद्धं । धम्मो व्व मुत्तिमंतो जं एसो महरिसी पत्तो ॥ इय चिंतिऊण चलिया कममेक्कं देहलीइ मज्झम्मि । बीयं तु ठवइ बाहिं बाला कुम्मास-सुप्प-करा॥ सा किस-देहा नियलेहिं देहली लंघिउं असकंती। तत्थ द्विया वि सामि फुरंत-भत्ती भणड एवं॥ भयवं ! जइवि न जुग्गं भोयणमेयं तहावि गिण्ह तुमं ।
Jain Education International
For Private & Personal Use Only
www.jainelibrary.org
