Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 264

१८७
प्रस्तावः]
सुपात्रदाने चन्दनबालाकथा। पुप्फ व पालणिज्जा जत्तेण निरंतरं तुमए ॥ एवं सिटि-गिराए सा वुत्था तत्थ नियय-गेह व्व । जण-णयणाणंद-करा बाला बालेंदु-लेह व्व ॥ तीए चंदण-सरिसेहिं रंजिओ विणय-वयण-सीलेहिं । सेट्ठी सपरियणो चंदण त्ति नामं कुणइ उचियं ॥ तं दटुं रूववई सहावओ जुव्वणेण पुण बाढं । मूला समूलमुच्छलिय-मच्छरा चिंतए एवं ॥ पुत्तिं व मन्नमाणो वि जइ इमं स्व-मोहिओ सेट्टी।
परिणेइ कह वि तो हं मयम्हि हा ! जीवमाणावि ॥ एवं इत्थी-यण-सुलहेण तुच्छत्तणेण तम्मंत-चिंता निच्चं पि चिट्ठए मूला। अन्नया गिम्हुम्ह-पीडिओ हटाओ आगओ गिहं सेट्ठी । दिव्व-वसेण न अन्नो कोवि कम्मयरो अस्थि त्ति वारंतस्स वि सेट्ठिणो पाए पक्खालिलं पयहा विणीयत्तणओ चंदणा । तीए य निस्सहंगीए अकय-कम्मभासाए ल्हसिओ सिणिद्ध-कसिणो केसपासो । वच्छाए केसपासो पंकिले खिइतले पडतो पंकेण मा लिप्पउ त्ति धरिओ लीला-लहीए सेट्टिणा । संजमिओ य सायरं । तं दट्टण गवक्ख-गयाए मूलाए चिंतियं जं मए पुव्वं वियक्कियं तं संवयइ सव्वं । अन्नहा कहं सेट्टिणा सयं संजमिया इमीए केसा । एरिसं खु लक्खणं न होइ पिउणो । ता मए मूलाओ वाहि व्व छिंदियव्वा इम त्ति निच्छिऊण ठिया मूला। सेट्ठी वि वीसमिऊण खणं पुणो वि गओ बाहिं । मूलाए कासवं सहाविऊण मुंडाविया चंदणा । पाएम निगडिऊण ताडिया चिरं। खित्ता उअयरए । तत्थ दाऊण कवाड-संपुडं भणिओ परियणो । सेट्ठिणो पुच्छंतस्स वि इमं न केणावि कहणीयं । जो उण को वि कहिस्सइ, सो मज्झ वेरिओ । सेट्टिणा वि संझाए आगएण पुच्छियं-कत्थ चंदण त्ति ।मूला-भयाओ न केणावि कहियं । पच्छा घरोवरिं रमंती चिट्ठइ त्ति चिंतियं सेटिणा। रयणीए वि पुच्छियं न केणावि कहियं ।पसुत्ता चंदण त्ति चिंतियं इमिणा । वीय-दिणे वि न दिट्ठा । तहेव तइय-दिणे तं अपेच्छंतेण तेण भणिओ परियणो-रेरे ! कहेह, कहिं मे नंदणा चंदणा । जइ जाणंता वि न कहिस्सह ता निग्गहिस्सामि तुम्हे। इमं सोऊण एक्काए वुड्ड-चडीए चिंतियं जीविया अहं चिरं । संपयं पचासन्नो मे मचू । कहिए चंदणाए वुत्तते किं करिस्सइ मे मूला।
www.jainelibrary.org |