Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 262

प्रस्ताव: ]
सुपात्रदाने चन्दनबालाकथा |
१८५
दिति भिक्खं भयवओ । देवीए वृत्तं देव ! दिति भिक्खं, किंतु कत्तो वि अभिग्गह-विसेसाओ सामी दिजंतं पि न गिण्हइ । तो जइ तुमं तं अभिग्गहं न याणसि ता किं ते रज्जेण ? जं इत्थ भयवं भिक्खं विणा इच्चिरं चिट्ठs | रन्ना वुक्तं-देवि ! सोहणं कथं, जं एवं पमाय- निद्दा- पत्तो पबोहिओऽहं तुमए । पहाए अभिग्गहं जाणिऊण पारणं कारइस्सामि सामिं । तओ हक्कारिओ रन्ना मंती, भणिओ य अमच ! मम पुरे चिट्टंतस्स सामिणो अलभिक्खस्स चत्तारि मासा संवृत्ता । धिद्धी ! अम्ह जीवियं । जाणेसु भयवओ अभिग्गहं, जेण अप्पणो पुन्न-हेडं तं पारणं करावेमो । मंतिणो भणियं देव ! न याणिज्जइ सामिणो अभिग्गहो ति ममावि महंतो संतावो । ता हक्कारि
उ धम्म - सत्थ-वियक्खणो सच्चवाई नाम उवज्झाओ । हक्कारिओ य सो, रन्ना भणिओ - भद्द ! तुह सत्थे सव्व-धम्माणं आयारा चुच्चंति, ता कहेसु जिणाभिग्गहं । उवज्झाएणवुत्तं - महाराय ! महरिसीणं व्व-खेत्त-काल-भाव-भेएहिं बहवो अभिग्गहा । भयवया इमो अभिग्गहो गहिओ त्ति न नज्जड़ घिसिट्ठनाणं विणा । ता सव्व- प्यारेहिं सव्वा भिक्खा भयवओ दायव्व त्ति नयरीए घोसावेह । तव कथं रन्ना । तओ सविसेसं दाणं दाउँ पवत्तो जणो ।
दाउमणस्स सयं चिय रायाएसो जणस्स जं जाओ । सयमेव मंकणीए धणीए तं कंकणी बद्धा ॥
तह वि अगिव्हंतो भिक्खमपरि- पुन्ने अभिग्गहे भयवं । विहरइ अमिलाण-तणू अविचल चित्तो महासत्तो ॥ अह नावा- कडगेणं गंगाए गंतुमेक्क - रयणीए । रन्ना सयाणिएणं रुद्वा चंपापुरी पुत्र्वं ॥ चंपाहिवो पणट्ठो भएण दहिवाहणो असत्तोति । बलिणा खलु रुडाणं पलायणं चित्र परित्ताणं ॥ जो जं गिण्हइ तस्से व तं ति घोसावए सपाणीओ । तो सेणा - सुहडेहिं सव्वत्तो लुंटिया चंपा ॥ एक्केण उट्ठिएणं देवी दहिवाहणस्स नरवइणो । नामेण धारिणी वसुमईऍ पुत्तीऍ सह पत्ता || गहिय-धण-कणय- कोसो कोसंबिं आगओ सयाणीओ । रूवेण धारिणीए विमोहिओ उट्ठिओ भणइ | पोढा पगिट्ठ-रूवा रमणी मह रोहिणी इमा होही ।
२४