________________
१८४ कुमारपालप्रतिबोधे
[तृतीयः जइ राय-सुया दाही कुम्मासे मज्झ सुप्प-कोणेण । तत्तो हं पारणयं काहामि न अन्नहा नूणं॥ भमइ उचियम्मि समए गिहेसु सो निच्चमुच्च-नीएसु। दिजंतं पिन भिक्खं गिण्हेइ अभिग्गह-वसेण ॥ अप्पाणं निंदंता तत्तो खेयं कुणंति नायरया। एवं अगहिय-भिक्खो चउरो मासे गमइ भयवं ॥ अन्न-दिणे भिक्खत्थं सुगुत्त-मंतिस्स मंदिरे पत्तो। भयवं दिट्ठो नंदाइ जंगमो कप्प-रुक्खो व्व ॥ वीरजिणिंदो सो एस दिडिया गेहमागओ मज्झ । इय भणिरी साणंदा अब्भुटाणं कुणइ नंदा ॥ तो कप्पणिजमन्नं मणुन्नमेसा जिणस्स उवणेइ । तं पि अभिग्गह-वसओ अगिहिउं निग्गओ सामी॥ धिद्धी! अहं अहन्ना मणोरहो मज्झ न परिपुण्णो त्ति । . स-विसाय-मणा नंदा दासीए जंपिया एवं ॥ एसो उवेइ निचं अगहिय-भिक्खो य निक्खमइ निचं । तो नंदाए भणियं अभिग्गहो को वि सामिस्स ॥ तेण न गिण्हइ भिक्खं मुणियव्वो सो अभिग्गहो कह गु । इय चिंताए पेच्छइ मंती नंदं निराणंदं ॥ पुच्छह य किं विसन्नासि ? सा भणइ एइ इत्थ भिक्खत्थं । वीरो भिक्खमवेत्तुं नियत्तइ अभिग्गह-वसेण ॥ ता तं अभिग्गहं मुणसु अन्नहा अन्न-मण-मुणण-निउणा।
तुह बुद्धी विहल चिय अमच ! तो जंपए मंती ॥ पिए ! तहा जइस्सामि जहा सामिणो अभिग्गहो मुणिन्नइ । तया य तत्थागया मिगावईए विजया नाम पडिहारी, तीए सुयं सव्वमेयं । गंतूण साहियं देवीए । देवी वि तहेव विसन्न-चित्ता संवुत्ता । संभंत-मणेण पुच्छिया सयाणीएण-देवि ! किं विसन्न व दीससि ? किं तुज्झ केणावि आणा खंडिया ? किं वा मए किं पि अवरडं ? देवीए वुत्तं न खंडिया केणावि आणा, न य किं पि अवरडं तुमए; किंतु सयल-तइलोक-पुजं भयवंतं महावीरं इत्थ चिटुंतं पि तुमं रज-सुक्ख-पर-वसो न याणसि । तस्स भिक्खा-वजियस्स वच्चए कालो । रन्ना वुत्तं देवि ! किमित्थ न धणिणो न धम्मिणो वा जणा, जे न
Jain Education International
For Private & Personal Use Only
www.jainelibrary.org
