________________
प्रस्ताव: ]
कुमारपालस्य तीर्थयात्रावर्णनम् ।
विम्हिय-मणेण रन्ना मुणि-नाहो पुच्छिओ किमेयं ति । भइ गुरु गिरिनयरं ठाणमिणं उग्गसेणस्स ॥ वारवई पुरीए समुहविजयाइणो दस-दसारा । आसि असि-भिन्न अरिणो जायव-कुल- विज्झ - गिरि-करिणो ॥ तत्थ दसमो दसारो वसुदेवो तस्स नंदणो कण्हो । सो आतित्थ या ति- खंड -महि-मंडलस्स पहू ॥ पुत्तो समुद्दविजयस्स आसि कुमरो अरिट्टनेमि त्ति । बावीसइमो तित्थंकरो त्ति चारित्त-कय-चित्तो ॥ अविसय-तहो कण्होवरोहओ उग्गसेण-राय-सुयं । रायमहं परिणेउं सो चलिओ रहवरारूढो ॥ करि-तुरय-रहारूढेहिं कण्ह - पमुहेहिं पवर - सयणेहिं । सहिओ समागओ उग्गसेण-निव-मंदिरासन्नं ॥ सोऊण करुण-सद्दं जा दिट्ठि देइ तत्थ ता नियइ । रुद्धे पसु-सस-सूअर - उरब्भ- हरिणाइणो जीवे ॥ तस्सद्द - जग्गिय - दओ किमिमे रुद्ध त्ति पुच्छए कुमरो । तो सारहिणा भणियं — कुमार ! सुण कारणं एत्थ ॥ हणिउं इमे वराए इमाण मंसेण भोयणं दाही । तुज्झ विवाहे वेवाहियाण सिरि-उग्गसेण- निवो ॥ तो भणियं कुमरेणं धिद्धी ! परिणयणमेरिसं जत्थ । भव - कारागार-पवेस-कारणं कीरए पावं ॥ भोगे भुयंग-भोगे व्व भीसणे दूरओ लहुं मुत्तुं । संसार-सागरुत्तरण- संकमं संजमं काहं ॥ तो वजरियं इमिणा इत्तो सारहि रहं नियत्तेसु । चालेसु मंदिरं पड़ तेणावि तहेव तं विहियं ॥ दहुं कुमरमुर्वितं रविं व नलिणी विसह-मुह - कमला । जा आसि पुव्वमिहि तु पिच्छिउं तं नियत्तं सा ॥ राइमई खेय-परा पर नियत्त व्व कप्प - रुक्ख -लया । मुच्छा-निमीलियच्छी सहसति महीयले पडिया ॥ सत्थी - का सहीहिं वाह - जलाविल- विलोयणा भणइ । हा ! नाह ! किमवरद्धं मए जमेवं नियत्तोसि ॥
Jain Education International
For Private & Personal Use Only
१७७
www.jainelibrary.org
