________________
१७२
___ कुमारपालप्रतिबोधे
[द्वितीयः
रना भणियं भयवं! मुणिणो पेसह अणारिएसुं पि। तो अंध-दमिल-पमुहेसु पेसिया साहुणो गुरुणा ॥ दडे अणारिया ते मुणिणो रन्नो भड त्ति मन्नंता । वियरंति भत्त-पाणाइ ताण पुव्वुत्त-सिक्खाए । मुणिणो कहंति एयं गुरुस्स, एवं अणारिया विहिया । जइ-जण-विहार-जुग्गा संपइणा नियय-सत्तीए ॥ सुमरिय-पुव्व-भवेणं पुरीइ रन्ना कराविया सत्ता। तेसु स-पराणविक्खा लहंति वर-भोयणं लोआ ॥ गिण्हंति महाणसिआ उव्वरियं तेसु भोयणं किं पि। ते भणइ निवो देजह इमं समग्गं पि साहूण ॥ तुम्हाण धणं दाहं तो भत्तं दिति ते वि साहणं । कंदविय-वणिय-पमुहे जंपइ संपइ निवो एवं ॥ मंडग-मोयग-चोप्पड-कप्पड-पमुहं मुणीण वियरेह । तम्मुल्लमहं दाहं तुम्ह, तओ ते वि तं दिति ॥ जाणतो वि सुहत्थी तमजुत्तं सहइ सीस-राएण। जंपइ महागिरी-किं सुहत्थि ! गिण्हसि असुद्धमिणं ॥ रन्नो भत्तं ? , तत्तो भणइ सुहत्थी-मुणिंद ! किमसुद्धं ?। रायाणुवत्तण-परा जम्हा लोआ इमं दिति ॥ माइ त्ति तं स-कोवो महागिरी भणइ-अज-पभिइ तुमं । मह न हवसि संभोगी, संगो हि समेहिं सह कहिओ॥ बालो व्व भउभंतो भणइ सुहत्थी महागिरिं एवं । खमह मह दोसमेयं भयवं ! न पुणो इमं काहं ॥ जंपइ महागिरी अहव न तुह दोसो जओ जिणिंदेण । वीरेण भणियमेयं अणंतरं थूलभद्दाओ॥ तित्थे इमम्मि समणा पडत-गुण-पगरिसा भविस्संति । तं सच्चमिणं जायं एवं ठविलं असंभोगं॥ उजेणी-नयरीओ गओ मुणिंदो गयग्ग-पय-तित्थे । अणसण-विहिणा मुत्तुं सरीरममरालयं पत्तो॥ काऊण सावगत्तं मरिऊण समाहिणा गओ सग्गं । संपइ-निवो कमेणं लहिही निव्वण-सुक्खं पि ॥
Jain Education International
For Private & Personal Use Only
www.jainelibrary.org
