________________
प्रस्ताव: ]
गुरुसेवायां सम्प्रतिनृपकथा ।
गिद्धि-वसेण सिद्धिं बहुं च उवभुंजिऊण मग - मुणी । मज्झत्थ-भाव- जुत्तो विसूइयाए निसाइ मओ ॥
अह अत्थि अत्थ-भर- विलसमाण - माणं व मणोहरं नयरं । ललणाभरण-पहा-पडल - पाडलं पाडलीउत्तं ॥ तत्थ नव-नंद - रज्जं उक्खणिउं जणिय जण - मणाणंदो । चंदो व्व चंदउत्तो चाणक्केणं कओ राया ॥ तस्संगहो जाओ राया नामेण बिंदुसारो ति । रिउ-रमणि - बाह-बिंदूहिं वड्डिया जस्स कित्ति-लया ॥ तस्स सुओ संजाओ राया नारि-प्पिओ असोगसिरी । पसरिय-पयाव - किसलो जणाण फल-दायगो किंतु ॥ तस्स वितणओ जाओ गुण-विवहालंकिओ कुणालो ति । बालत्तणे वि ठविओ जुवराय-पयंमि जो पिउणा ॥ सो वरय जणणीओ त्ति इयर - माया भएण पट्टविओ । बहु- परियण- परियरिओ कुमारभुत्तीए उज्जेणिं ॥ अन्न- समए कुमारं राया नाउं कला- गहण - जोगं । लिहइ सहत्थेण इमं लेहमि ' अधीयतां कुमर' ॥ पडिवाइऊण लेहं ज्झत्ति अणुव्वाण अख्ख रत्तणओ । तत्थेव असंवत्तियमिमं विमुत्तं गओ राया ॥ काउं सरीर-चिंतं तो रन्नो पास- सन्निसन्नाए । घित्तूण वाइओ सो कुमरस्स सवत्ति-जणणीए ॥ रज्जस्स अजुग्गमिमं करेमि इय चिंतिऊण सा देइ । बिंदु अगार - उवरिं तहेव तं मिल्लए लेहं ॥ खणमित्तेण नरिंदो समागओ हत्थ - मिल्लिओ लेहो । पडिवाइओ वि पुव्वं पुणोवि पडिवाइयव्वोति ॥ वयणं असंभरंतो लेहं संवत्तिऊण मुद्देइ | अप्पेइ लेह-वाहस्स सो वि गंतॄण उज्जेणिं ॥ दंसह कुमरस्स इमो वि गिहिउं लेहयस्स अप्पेइ । सो वाइऊण लेहं तुहिक्को चेव चिट्ठेइ ॥ भाइ कुमारो वाएसि किं न लेहं ? न सो भणइ किं पि । तो वेत्तूण सयं चिय कुमरो वाएइ तं जाव ॥
२२-२३
Jain Education International
For Private & Personal Use Only
१६९
www.jainelibrary.org
