________________
प्रस्ताव: ]
गुरुविराधनायां कूलवालकथा ।
१६३
तवच्चरण-परो वि रमणीण रूव-लावन्नाइ-वन्नणं करेइ, हरिसिज्जइ तदंसणेण । चोयंति तं आयरिया -- महासत्त ! अजुयमेयं मुणीणं ।
थेवो वि जह दवग्गी दहइ समग्गं पि ज्झत्ति कंतारं । तिव्वं पि तवं तह निट्ठवेइ तरुणीण नामं पि ॥ तह विन नियत्तए सो गुरुसु वेरं विसेसओ वहइ । तत्तं हि घयं सित्तं पि सलिल पूरेण पज्जलइ ॥ अन्न- दिणे तेण समं आयरिया उज्जयन्तमारूढा । सिद्धसिला - नमणत्थं तं नमिउं जा अवयरंति ॥ तो चिंत कु- सीसो पत्थावो एस ता हणामि गुरुं । अन्नह मं दुव्वयणेहिं पीडिही एस आजम्मं ॥ तो पिट्ठओ अणेणं गुरु-हणणत्थं महासिला मुक्का । दिट्ठा गुरुणा एसा ओसरिडं जंपिओ सीसो ॥
रे ! रे ! दुरप्प ! गुरु- पचणीय ! किं ववसिओसि काउमिणं ? | लोग-टिई पि न याणसि गुरुसु जं वहसि वह- बुद्धिं ॥ जे उद्धरंति जीवं उवएस - गुणेण नरय - कूवाओ । तेसिं पच्चुवयारो न होइ तइलोक-दाणे वि ॥ के विपरोवयारं थेवं पि न वीसरंति आजम्मं । चिरमुवयरिया वि परे तुमं व हणणत्थमुद्वंति ॥ अहवाsurत्थ- फलो चिय कओ कु-पत्तम्मि होइ उवयारो । सीहस्स अच्छि दाणं जह वेज्ज-सुअस्स मरण-करं ॥ जो कुप्पसि मज्झ तुमं वेरग्ग-पहं पि उवह संतस्स । होही तव क्खओ तस्स तुज्झ इत्थी - सयासाओ ||
एवं कु- सीसं जंपिऊण पत्तो आयरिओ निय-गच्छं । कु- सीसो वि सूरिणो वयणं असच्चं मए कायव्वं ति चिंतंतो गओ अरन्नं । गिरिनई कूले तावसासमे उरंगं तवं काउं पवत्तो । पत्ते पाउसे तस्स तवेण तुट्ठाए देवयाए मा होरिही जलेण एसोत्ति पवाहिया नई अन्न- कूलेण । तओ अन्न-कूल - वलियं नई दहूण तद्देसवत्तिणा जणेण कयं से कूलवालओ त्ति नामं । सो य तप्पएसागयाओ सत्थाओ लद्वाए भिक्खाए पाणे धरंतो पत्तो पसिद्धिं । एवं सोऊण भणिया कूणिएण पणंगणा चक्क चूडामणी मागहिया - भद्दे ! इहाणेहि तं कूलवालं समणं ।
Jain Education International
For Private & Personal Use Only
www.jainelibrary.org
