Page Text
________________
प्रस्ताव: ]
गुरुविराधनायां कूलवालकथा ।
१६१
पढम- पत्थडे चउरासीइ - वास- सहस्साऊ नारओ जाओ । तओ उब्वहो इहेव भारहे वासे महापउम-नामा पढम-तित्थयरो होहि त्ति ।
सेणिय- सोग - परवसो रायगिहे अत्थिउं असतो । चंपापुरिं निवेस तहिं कुणइ कृणिओ रज्जं ॥ अह खोम- जुयल-कुंडल- वर- हार - विराइया नयर - मज्झे । सेयणग-गयारूढा हल - विहल्ला परिभमंति ॥ तियसे व्व सव्व- लट्ठे ते दहुं कूणियं भणइ भज्जा । एएसिं तुह भाऊण देव ! परमत्थओ रज्जं ॥ जं एवमलंकरिया करि-खंध गया पुरीए कीलंति । तुह पुण मुत्तुं आयासमेक्कमन्नं फलं नत्थि ॥ ता मग्गे कुमारे हत्थि-प्पमुहाई, तो भणइ राया । पिउ दिन्नाई इमाई मग्गंतो किं न लज्जामि ॥ सा जंपइ का लज्जा तुह नाह ! निरग्गलं विहवमन्नं । दार्ज इमाई मग्गंतयस्स करि- पमुह - रयणाई || इय पुणरुत्तं तीए भणिओ मज्जायमुज्झिउं राया । भइ कुमारे अप्पह मह सेयणगाइ - रयणाई || गिण्हह अन्नं जं हत्थि तुरय- रयणाई तुम्ह पडिहाइ | तो मंतिऊण देमो त्ति जंपिडं निय-गिहं पत्ता ॥
ecora सो गिहिहि त्ति चिंतिऊण रयणीए निग्गया गयावरारूढा । पत्ता वेसालीए नगरीए चेडगराय - पासं । मुणिय-वृत्तंतेण कूणिएण दूध-वयणेहिं भणिओ चेडगो — पेसेहि सिग्घं हल्ल-विहल्ले । चेडगेण वृत्तं - एए तुमं च मम धूया-पुत्तत्तणेण तुल्ल-सिणेहा, इमे पुण सरणागया, ता न सक्केमि तुह पासे पेसिउं हढेण । जइ पुण तुमं संबोहिऊण नेसि तो नेहि न निवारेमि । एवं सोऊण रुट्ठो ऋणिओ, भणिओ अणेण चेडगो - पट्ठवेसु कुमारे, अहवा जुज्झसज्जो होसु । पडिवन्नं जुज्झं चेडगेण । कूणिओ वि समग्ग-सामग्गी-संगओ गओ वेसालीए । पारद्धं जुद्धं । चेडगस्स रन्नो किर एस नियमो जहा एक्कम्मि दिणे एक्को चेव सरो अप्प - सरिसस्स खिवियव्वो । सो य देवयाए अमोहो कओ । तओ चेडगेण कूणियस्स भाउगा दस कालाइया दसहिं दिवसेहिं विणासिया । भयत्त - चित्तेण चिंतियं कूणिएण - नूणं एक्कारसमे दिणे जुज्झतस्स मे विणासेण होयव्वं, तो न जुज्जइ जुज्झिउं ति ओसरिऊण अट्टम भत्तं करेइ । तओ
२१
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |