Page Text
________________
कुमारपालप्रतिबोधे
भयवं ! किमेग - पत्ती अणेग पत्ती वा चेल्लणा देवी ? | तो जंप जिण-नाहो निव-पुंगव ! एगपत्ति त्ति ॥
जं पुण कहं सो तबस्सी भविस्सइ त्ति वयणं तं मुणिं पडुच्च वृत्तं । संजाय पच्छायावो नियन्त्तो राया । अभओ वि सुन्नं हत्थि - सालं पलीविऊण जिण-वंदणत्थं पत्थिओ । दिट्ठो रन्ना । भणिओ य-पलीवियं अंतेउरं ? तेण वृत्तं एवं । रन्ना वुत्तं - सयं किं न पविट्ठो ? अभएण वृत्तं -ताएण अमुक्को कहं पविसामि । रन्ना वृत्तं - मुक्को मए । अभएण वृत्तं - जइ एवं ता अलं मे दव्वग्गि-पवेसेण, भावरिंग संजमं पविसामि । तओ नंदाइ समं महाविभूइए अभओ पव्वइओ । कोणियस्स रज्जं दिजिहि त्ति चिंतिऊण सेणिएण हल्ल-विहल्लाण सेयणगो हत्थी दिन्नो । चेल्लणाए देव - दिन्नो हारो दिन्नो । नंदाए खोम -जुयलं च दिन्नं । कोणिओ वि दसहिं कालाइएहिं कुमारेहिं समं मंतिऊण सेणियं गुत्तीए खिवइ । पुब्वण्हे अवरणहे व कस-सएण हणइ भत्तं पाणं च वारेइ । तओ चेल्ला कह वि कुम्मासे केसेसु बंधिऊण सयाउं च सुरं पवेसेइ । तीए सुराए गुंडिएहिं केसेहिं धुव्वंतेहिं सयवारे सव्वं पाणियं सुरा होइ । तप्पभावाओ किर सो कसाधाए वि सहइ । अन्नया तस्स पउमावईए देवीए पुत्तो उदाई कुमारो जेमंतस्स उच्छंगे ठिओ थाले मुत्तेइ । मा दूमिज्जिहि तितं राया न चालेइ । मुत्त-मीसियं कूरं अवणेइ । मायं भणइ - अम्मो ! अन्नस्स वि कस्सइ पुत्त एवं पियो अत्थि ? मायाए भणियं दुरायार ! सुणतइ गन्भ-गए निव-मंस-भक्खणे मज्झ दोहलो जाओ । सो पूरिओ य रन्ना पर मंसं बंधिउं उयरे ॥
१६०.
दुट्ठोत्ति जाय- मेत्तो वि तुमं मए छड्डाविओ असोगवणियाए । मुणियमिणं रन्ना । गंत्तूण तत्थ दिट्ठो असोगवणियं चंदो व्व उज्जोयंतो तुमं । वेत्तुं असोगचंदोत्ति ते नामं कयं । तत्थ कुक्कड - पोयगेण ते अंगुली विडा | सा कूणिया जाया । तओ दारगेहिं कूणिओ त्ति ते नामं कयं । तं तुह अंगुलिं पूर्वं गतिं राया मुहे करेइ तया तुमं न रोयसि, इहरहा रोयसि । ता तुह न तेत्तियं पिओ पुत्तो जेत्तियं तुमं निय-जणयस्स । तह वि तुमए पिया एवं वसणं पाविओ । तओ सो जाय- पच्छायावो भुत्तुं गएसु कम्मयरेसु सयं चेव लोह-दंडं वेत्तूण निगडाणि भंजामि त्ति पहाविओ । रक्खगा नेहेण भणंति - एस सो लोह-दंड चित्तूण एइ त्ति । न नज्जइ केणावि कु-मारेण मारेहि त्ति चिंतिऊण सेणिओ तालउड विसं भक्खेइ, जाव एइ कूणिओ ताव मओ सेणिओ । पढम- पुढवीए
Jain Education International
[ द्वितीयः
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |