________________
१५४ कुमारपालप्रतिबोधे
[द्वितीयः पत्ते य तम्मि पुरिसे रायाणं पणमिउं निसन्नो सो। तो रन्ना आणत्तं उवएसत्थं कहसु सेट्टि !॥ तेणावि सुया-कहिओ उवएसत्थो निवेइओ सव्वो। तो पुरिसेणं भणियं-देव ! इमो जुजए अत्थो॥ मज्झ पिया धम्म-परो अहं च विसएसु निच्चमणुरत्तो। तेण हिय-कामिणा खलु उवएसो मह इमो दिन्नो॥ ता देव ! तुमं धन्नो सेट्ठी जस्सेरिसो विमल-बुद्धी। भमिऊण सयल-पुहविं न मए एसो सुओ अत्थो । जाओम्हि कयत्थोऽहं संपइ वच्चामि नियय-ट्ठाणं ति। सकारिऊण रन्ना विसजिओ निग्गओ पुरिसो॥ परितुह-मणो राया वत्थाहरणाई देइ सेहिस्स।
सेट्टी वि गओ गेहं गिहिणीए सह समुल्लवइ । एसा बुद्धिमई धूया इहेव परिणावेयव्वा जेण इमीए मई उवजीविऊण वमि । सुजसाए वुत्तं जुत्तं । तओ तत्थेव नयरे पियमित्त-पुत्तस्स पियंकरस्स दिन्ना सिरी। वत्तो वीवाहो। तिवग्ग-सेवण-परा सिरी गमेइ कालं । अन्नया कुमित्त-संसग्गओ गलि-सुह-बुद्धिणा पियंकरेण दिहा अन्न-वणिय-घरिणी, साहिलासं निज्झाइया चिरं। कुमित्तेण तचित्तं नाऊण भणियं-किमेवं चिंता. उरोसि ? अहं ते संपाडेमि एयं । पियंकरेण वुत्तं-एवं करेसु । कुमित्तण कामाययणे रयणीए आणीया सा। नीओ तत्थ पियंकरो। पविट्ठाई दो वि भवणभंतरं । भवियव्वया-वसेण सुणियमेयं तलारेण । ढकिऊण रुद्धं दुवारं । कुमित्तो वि तं असमंजसं दट्टण कहेइ सव्वं सिरीए, भणइ यतुह मई मुत्तूण नत्थि अणत्थ-नित्थरणोवाओ। तओ चिंतियं सिरीए
पइणा विमाणिया वि हु विरयंति न विप्पियं कुल-वहूओ। पीलिजंतीओ वि हु महुरच्चिय उच्छु-लट्ठीओ॥ तो मेलिऊण महिलाओ ज्झत्ति वजंतएण तूरेण। . पूओवगरण-हत्था कामाययणे सिरी चलिया ॥ पत्ता दुवार-देसं देइ पवेसं न तलवरो मज्झे । तह तीए सो भणिओ जह मुक्का तेण सा एक्का ॥ सा पविसिऊण मज्झे समप्पए नियय-वेसमसईए। तं बाहिं निस्सारइ चिइ पुण अप्पणा मज्झे ॥
Jain Education International
For Private & Personal Use Only
www.jainelibrary.org
