________________
.
१५३
१५३
प्रस्तावः ]
गुरुसेवायां लक्ष्मीकथा । सव्वाहमं विमुत्तुं पुत्तय ! सब्वुत्तमं निसेविजा। जम्हा वरं कयन्नू न पुणो एयं कयग्घं ति॥ इय कहिउं मज्झ पिया अथमिओ, तो अहं पि संजाओ। कालेण अप्प-सोगो उवएसत्थं विभावेमि ॥
किं तु नावगच्छामि तस्स परमत्थं, तजाणणत्थं परिभमिओ देसंतरेसु। पुच्छिया सत्थ-परिकम्मिय-मइणो मए महापुरिसा । परं न केणावि कहिओ मे हिययंगमो अत्थो । सुयं मे जयउर-सामिणो नरसुंदरस्स रन्नो विसुद्ध-बुद्धिविहवा पहाण-पुरिसा चिट्ठति । ते मुणिस्संति उवएसत्थं । तो देव ! अहं इहागओ। अणुग्गहं काऊण कहावेह तं मे। तओ रन्ना पलोइयं मे मुहं, पच्छा अन्नेसिं पहाण-पुरिसाणं । भणियं च-भो ! परिभाविऊण कहेह उवएसत्थं । अम्हे वि देव ! एवं करेमो त्ति भणिऊण जाव परिभावेमो तस्सत्थं ताव न किंचि सम्मं मुणेमो।
तो रन्ना अम्हाणं मुणिऊण मणं पयंपियं एवं । गच्छह गिहाई इण्हिं अवरण्हे कहेह इणमत्थं ॥ नमिऊण निवं निय-निय-गिहेसु सयमागया पहाण-नरा। तमिमं विसाय-कारणमतुच्छमवगच्छ मह वच्छे ! ॥ तत्तो सिरी पयंपइ संपइ काऊण देव-गुरु-पूयं । देव-गुरु-संविभत्तं भत्तं भुंजह चयह चिंतं ॥ उवएसत्थमहं पुण कहिस्समह तुट्ट-माणसो सेट्टी। काउं तहेव सव्वं एगंते पुच्छए धूयं ॥
तीए कहियं परिणाम-दारुणत्तणेण सव्वाहमं विसय-सुहं मुत्तूण उभयलोय-हियत्तणेण सव्वुत्तमं जिण-धम्म सेवसु । जं पुण विसय-सुह-सेवाए सरीरं पालेसि तं अजुत्तं । जओ वरं कयन्नू सुणहो जो थेव-दाणे वि दायारमणु गच्छइ, न उण एयं कयग्धं सरीरं जं चिर-लालियं पि परलोय-पह-पयदृस्स पाणिणो विहडइ।
जं चिरमुवगरियं पि हु पर-भव-चलिएण सह न जीवेण। एकं पि पयं वच्चइ तं चिय देहं कयग्रमिणं ॥ सोऊण इमं सेट्टी तुट्ट-मणो उहिऊण अवरण्हे। पत्तो निव-अत्थाणे अमच्च-सामंत-संकिन्ने ॥
Jain Education International
For Private & Personal Use Only
www.jainelibrary.org
