________________
१४२ कुमारपालप्रतिबोधे
[द्वितीयः अवंतिणी नाम धूया। दीवसिहेण भणियं-संपाडिस्सामि अहं भवओआणत्तिं । गओ साहगो। दीवसिहेण वि नीया कन्नगा नियावासं । साहिओ वुत्तंतो देवीणं, विम्हियाओ एयाओ, गोसे समप्पिया अवंतिवद्धणस्स । साहियं जहावत्तं । परितुट्ठो राया। दिन्ना से अवंतिणी। उचिय-समए पवत्तो विवाहो।
ठाऊण कइ वि दियहे निय-देसं पत्थिओ कमेण इमो। पउमावई-पुरीए पत्तो आवासिओ बाहिं ॥ मुणिओ य मंचिराएणं गोरवेण पवेसिओ मज्झे । अह नरनाह-सहाए संलावो एरिसो जाओ। पत्तंमि देवया किं फुडमवयरिऊण जंपइ नव त्ति । न ह जंपइ त्ति पक्खो मम ताव, इमं भणइ राया ॥ भणियं दीवसिहेणं-मा एवं भणह, घडइ ताव इमं । अवयरइ माणुसे कहममाणुसी इय निवो भणइ ॥ कुमरो जंपइ-जह तुह कुटुं अहमेव ता करेमि इमं । भणियं निवेण दुक्करमिणं अनेलाउगे पत्ते ॥ जंपइ दीवसिहो मह न दुकरं, जइ परेसि, तो रन्ना। आणीया तत्थ लहुं कामलया नाम निय-धूया ॥ कणगुज्जलाए देह-प्पहाए धवलेहिं तह कडक्खेहिं । रंजंती रायसहं कुंकुम-चंदण-रसेहिं व॥ कुमरेण मंडले सा निवेसिया सुमरिओ मणे मंतो। आविर्ट पत्तं पवण-पय-पत्तं व घुम्मेइ ॥ नवरि न जंपइ तं जाव ताव कुमरो वि बाढमुवउत्तो। तत्तो खणंतरेणं आढत्तं जंपिउं पत्तं ॥ भणियं दीवसिहेणं-भो ! चिट्ठउ ताव अवरमक्खेसु । किं एत्थ काल-हरणं तो वुन्तं पत्त-देवीए॥ मूयगमेयं पत्तं इह परकरणेहिं जंपियव्वं मे । करण-पडुत्तण-हे हिमवंत-गिरिंमि पत्तोहं ॥ दिवोसहिमाणेउं अओ इमं इत्थ कालहरणं ति । कहियं च तीए सव्वं जं पुढे मंचिराएण ॥ तो परितुट्ठो राया, दीवसिहो देवयं विसज्जेइ । तप्पभिइ फुडक्खरमुल्लवेइ वाणीइ कामलया ॥
Jain Education International
For Private & Personal Use Only
___www.jainelibrary.org
