Page Text
________________
१४० कुमारपालप्रतिबोधे
[ द्वितीयः णन्न-सामन्नं इमस्स वीणा-विन्नाणं । परितुहा गंधव्वदत्ता ।खित्ता तीए दीवसिहस्स कंठे गंध-लुद्ध-भमंत-भमर-माला वर-माला । कयं पबंधेण पाणि-ग्गहणं । कय-सकारो ठिओ केत्तियं पि कालं कुमारो । गंधव्वदत्तं घेत्तूण चलिओ नियदेसं । पत्तो पइटाणं, आवासिओ परिसरे । एत्यंतरंमि तत्थ ककराय-धूया लीलावई नाम कन्ना अहिणा दट्ठा मय त्ति नीसारिजइ । सुओ वाइत्त-सहो कुमारेण । भणिया गंधव्वदत्ता-पिए ! सजीवं माणुसं नीसारिजइ । तीए भणियं-कहं जाणसि । कुमारेण वुत्तं-पिए ! सर-विसेसओ। तीए भणियंकहमेयं । कुमारेण वुत्तं-अहिणा दहें ति । तीए भणियं-अवि जीवावेहि एयं कुमारेण वुत्तं-अत्थि ताव मंतो। तीए भणियं-अजउत्त ! जइ एवं ता जीवावेहि । पेसिओऽणेण निय-पुरिसो।धरावियं मडगं लिंपावियं चिया-समीवे । गओ पच्छा दीवसिहो । दिट्ठो कक्कराएण । अहो आगिइ त्ति विम्हिओ एसो। जीवाविया लीलावइ त्ति समासत्थो चित्तेण । कओ दीवसिहेण सिहाबंधो। मोयाविया सा लित्त-मंडले । मंतं सरिऊण भणिया य-उद्धेहि जणणीए मुहसोयं देहि त्ति । उहिया एसा गहिया सुवन्नालुगा । दिन्नं मुहसोयणं । हरिसियाणि सव्वाणि । अओ वायावियं तूरं । वारावियं कुमारेण । नणु किमणेण ? सविसा खु एसा । मए मंत-सामत्थं दंसियं । न उण अज वि कम्मं करेमि । तेहिं भणियं-महापभावो तुमं ता जीवावेहि । पाडिया पुणो उत्तरिजाहरण-विस-संकामणेण, दंसियं किंचि वेलं जणाण खेड् । पच्छा जीवाविया परमत्येण । कयं वद्धावणयं । दिट्ठो साहिलासं तीए कुमारो । सा वि सविम्हयं कुमारेण ।
अवरुप्परं नियंताण ताण सो मयण-पन्नगो फरिओ। __ डक्काइ जेण जायाइं दो वि सुन्नाई सहस्स त्ति।
तो विजयवम्म-पुत्तो त्ति ककराएण जाणिउ कुमारो नीओ सगिहं । सा चेव तस्स लीलावई दिन्ना । महाविभूईए पवत्तो विवाहो । ठिओ तत्थ कइ वि दिणे सो। पुणो पयट्टो स-विसयं । कमेण पत्तो उज्जेणिं । आवासिओ तत्थ । दिव्वजोगेण दिणावसाणे मसाणे तेण दिट्ठा जलंती चिया। स-जीवाहिट्ठिया त्ति लक्खिया जाला-विसेसाओ । असाहिऊण देवीणं खग्ग-हत्थो गओ तत्थ सो। निसाए ठिओ जाव पायव-समीवे ताव जालारूवं करेमाणो आगओ विजासाहगो । नट्ठा चिया-बाला । आलिहियमणेण मंडलं । मंत-सरण-पुरस्सरं वाइओ डमरुगो । तओ खुझ्या चिया । संभंता उढ़िया कन्नगा । हा ताय ! त्ति
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |