Page Text
________________
प्रस्तावः]
देवपूजायां दीपशिख-कथा।
वि राय-पुत्ता अईव कला-कुसला दीसंति, ता जइ अंभग्ग-पइन्ना पावेमि हिय-इच्छियं दइयं ता सोहणं हवेज । एत्थंतरे गहिया अन्नेण वीणा । धराविओ पचासन्ने विरहो नाम तरू । वाइऊण वीणं फुल्लाविओ सो। तओ गहिया अनेण वीणा । वाइऊण मगहरं दूर-देस-
हिओ वि आगरिसिओ हरिण-जुवाणो। तओ गहिया अन्नेण, दिन्नो गयवरस्स इट्ठो कवलो । माइऊण वीणं मोयाविओ सो अद्ध-भुत्तं कवलं । इच्चाइ अन्नाणि वि बहणि दसियाइं अन्नेहिं वि कुमारेहि कोऊहलाई । तओ गहिया गंधव्वदत्ताए वीणा, वाइया अणाए जाव तक्खणा पसुत्तो मत्त-करी । दूराओ चलण-भूले पत्तो मुद्ध-मिगो। आमूलं फुल्लिओ विरहदुमो । मूलाओ वि मोयाविओ कवलं करी ।
इय वाइया इमीए तह वीणा जह कुमार-विहियाई। सव्वाइं कोउगाई जायाइं किंचि अहियाई॥ तो लजिया कुमारा मुक्क-तयासा इमं विचिंतंति। जरहर-तक्खय-चूडामणि व्व दुलहा इमा बाला ॥ राया वि विसन्न-मणो चिंतह-एवं कए वि जइ कह वि। लहइ न निव्वुइ मे सा धूया ता देव! किं कुणिमो ॥ अह पेम्म-परवसाए सविलास-वलंत-तार-नयणाए। कुमरीए मणेण समं कुमरस्स समप्पिया वीणा ॥ महुर-सरा गुण-पवरा करगिज्झा तुंबयत्थणी वीणा। कंठ-विणिवेस-जुग्गा गहिया कुमरि व्व कुलरेण ॥ संठविऊण आसारिया कुमारेण वीणा तओ भणिया भद्दाभिहाणाए सहीए कुमरी-पियसहि! आसारो चेव अउव्वो। उवलक्खिजमाण-पयड-भेयं सर-मंडलं । विचित्तो गामराग-प्पवेसो। हिययहारिणो मुच्छणुन्भेया। ता अहिओ एस एयाए कलाए तिहुयणस्स वि भविस्सइ त्ति लक्खेमि ।
एत्थंतरम्मि लोओ निचल-नयणो विमुक्क-वावारो। वीणा-मणहर-झंकार-मोहिओ सुविउमाढत्तो॥ तं सव्वं रंग-जणं सुत्तं दतॄण उडिओ कुमरो।। गिण्हेइ मुद्दियाओ कुमरीएँ करंगुलीहितो॥
गहिओ विक्कमसेण-पत्थिव-हत्थाओ कणय-कडगो । अन्नेसि पि राय-पुताण गहियं कुंडलाइयं । कओ रंग-मज्झे आभरण-पुंजो । खणंतरेण जग्गिओ रंग-लोओ, दिट्ठो आभरणरासी । विम्हिय-अणेण भगियं जणेण-अहो ! अ
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |