________________
१३८
कुमारपाल प्रतिबोधे
जणणी-जणया लोगा य विम्हिया विहियमुचिय- करणिज्जं । वित्ते मासंमि कथं अह ' दीवसिहो 'त्ति से नामं ॥ चंदो व्व सुक्क पक्खे पड़ - दियहसुवागओ इमो बुद्धिं । गुरु- सक्खिमेत्त तह सयमेव कलाहिं पडिवन्नो || अह कंचीपुर पहुणो विक्कमसेणस्स अत्थि रूवेण । तइलोक्क-तिलय- भूया धूया गंधव्वदत्त त्ति ॥
सा कला - गव्विया न अत्ताणं पुरिसमत्तेण परिणावेइ, जंपेइ य इमं - जो मं वीणा - विन्नाणेण जिणइ सो परिणेइ ति । रन्ना कराविओ सयंवर - मंडवो । आहूया संतरेहिंतो अणेगे वीणा विणोय- पत्त-परिसा राय- पुत्ता | दीवसिहो व आगओ तत्थ । पसत्थ-दियहे रन्ना निवेसिया सयंवर - मंडवे रायपुत्ता | हक्कारिया गंधव्वद्न्ता । अमय- वुट्ठि व्व जण - नयण-तुट्ठि कुणंती आगंतूण निसन्ना एसा । तं दट्ठूण चिंतियं दीवसहेण — कयत्थो विही जस्सेरिसं रूव-निम्माण- विन्नाणं । दीवसिहं दट्टण चिंत्तीयं इमीए -
वीणा विणोय-विनाण-वज्जिओ वि हु इमो पुरिस-रयणं । परियच्वो सोहग्ग-गुण-निही निच्छएण मए ॥
तं चैव नियइ तं चैव चिंतए वंछए य तं चेव । जाया खणमेत्तेणं सा कुमरी तम्मया तइया ॥ तओ भणियं कंचुइणा
भो भो नरिंद-तणया ! एयाए इत्थ रायधूयाए । जहा
सुगुणानुरागिणीए क्या पन्ना इमा पुत्र्वं ॥ सव्व-कलाणं परमा विलोभणिजा सम्मत्त-जीवाणं । विक्खाय - गुणा लोए एगा वीणा विणोय-कला ॥ जो एआइ कलाए अहिओ मे को वि इह कुमाराणं । सो चेव मज्झ दइओ होही नत्थित्थ संदेहो ॥
[ द्वितीयः
ता पयडेह नियं खलु विन्नाणं एत्थ जस्स जावंतं । पावेह जेण एवं विजय पडायं व कामस्स ॥
तओ एक्केण कला-व्विएण गहिया वीणा । सारिया अणेण । धरिओ पच्चासन्ने मयगलो । मणहर- सरेण वीणं वाइऊण सोविओ तेण एसो । जाओ साहु-वाओ | चिंतियं रायकन्नाए – हडी ! न याणिजह किं पि भविस्सइ । एए
Jain Education International
For Private & Personal Use Only
www.jainelibrary.org
