________________
प्रस्ताव: ]
देवपूजायां पद्मोत्तर - कथा ।
ताहि समं विसय- सुहं सेवतो गमइ दियहाई ॥ अह तारावीड-नीवो धम्मं सोऊण पर भव-सहायं । मुत्तं तणं व रज्जं गुरु-पासे गिव्हए दिक्खं ॥ पउमुत्तरो वि पत्थिव-पणमिय-पय-पंकओ कुणइ रज्जं । विरयंतो आसक्ति पत्ती व चउसु नीईसु ॥ जाया इमा पसिद्धी अन्नस्स न एरिसीओ पत्तीओ । सुयमेयम उज्झानयरि - सामिणा देवगुत्त्रेण ॥ पउमुत्तरो अणं भणिओ - अप्पेस मे निय-पियाओ । पउमुत्तरेण वृत्तं - अहो ! अजुत्तं किमायरसि ? ॥ पर - महिला - अहिलासो मणमि काउं पि अणुचिओ चेव । पुरिसस्स कुसल - मइणो किं पुण वयणेण वज्जरिडं ॥ उम्मग्ग-1 -विलग्गाणं कुणइ निवो निग्गहं समग्गाणं । पर - महिलं मग्गंतो तुमं तु लज्जसि न किं मूढ ! ॥ अह भइ देवगुत्तो - किं इमिणा ? मज्झ देहि एयाओ । जइ सोहणेण कळं अन्नह रज्जं पि गिहिस्सं ॥ पउमुत्तरेण वृत्तं - वरमंधो जो परोवएसेण । उम्मग्गाओ नियत्तइ न उण तुमं राय ! रायंधो ॥
जइ अजसाओ न बीहसि परलोय - भयं च वहसि नो हियए । किं तहवि जीवियाओ निव्विन्नो वहस जमेवं ॥
जो एरिसो तुमं खलु न तेण सह जंपिडं पि मे जुत्तं । एवं दूयमुहिं संलावो ताण संजाओ ॥ पउमुत्तरस्स उवरिं कुविय-मणो पत्थिओ इमो सहसा । पउमुत्तरो अवन्नाइ संमुहो तस्स संचलिओ ॥ मिलिया स - विसय-सीमाइ दो वि दष्पंध - गंधहत्थि व्व । पउमुत्तरेण समरे विणिज्जिओ देवगुत्त-निवो ॥ गहिओ महाविमद्देण कवि दियहाई एस धरिऊण । संपूऊण मुको दोहो गरुयाण नहि कोवो ॥ संजाय - साहु-वाओ पत्तो पउमुत्तरो नियं नयरं । दंडेहिं चिय इमिणा वसीकया निवणो अन्ने ॥ अन्न- दिणे नरवइणो सहा - निसन्नस्स को वि अप्पाणं ।
Jain Education International
For Private & Personal Use Only
१३३
www.jainelibrary.org
