________________
१३२ कुमारपालप्रतिबोधे
[ द्वितीयः रिसो जो एयासिं सरिसो।अओ अचंत-गहणं कर-ग्गहणं ति चिंताए अनिव्वुयं मे हिययं । एयं सोऊण विमलमहणा पहाण-पुरिसेण भणियं-देव ! देवाएसे. ण नंदणउरं गएण मए मयंक-चयणो कमल-दल-नयणो कणय-सिला-विसाल-वच्छयलो परिह-दीह-बाहु-जुयलो कंकेल्लि-पल्लवारत्त-कर-चलणो सुर-सुंदर-दप्पदलणो दिट्टो तारावीड-रायपुत्तो पउमुत्तर-कुमारो।
रइ-पीईणं मयणो व्व चंचूडो व्व गोरि-गंगाणं । सो एयासिं कुमरीण देव ! जुज्जइ वरो काउं॥ एत्थंतरंमि भणियं कुमरीण सहीइ कामसेणाए । एक्कंमि दिणे मागह-वहूइ पढिया इमा गाहा ॥ "विणएण गुरू सद्धाइ देवया बुह-यणो विवेएण। सन्भावेणं सुयणो वेप्पइ हियएण वर-महिला ॥' गाहं सोउं कुमरीहिं पुच्छियं केण निम्मिया एसा । मागह-वहइ कहियं एसा पउमुत्तरेण कया ॥ भणियं इमीहिँ गाहा अहो ! महत्था मणोहरा सरसा। गाहाणुमाणओलयल-गुण-निही नजइ कई सो ॥ तप्पभिई चिय एउमुत्तरस्स गुण-संकहं कुणंतीओ। कालं मंति परिचत्त-सेस-कजाओ कुमरीओ ॥ रन्ना वुत्तं जुत्तं जं सो पउमुत्तरो गुणेकनिही। कुमरीणं पि इमाणं संजाओ तंमि अणुरागो॥ सो एस कढिय-दमि निवडिओ कहवि सकरकरो। अहमवि विवाह-चिंताइ विभलो निव्वुओ जाओ। तत्तो पसत्थ दियहे रन्ना करि-तुरय-कोस-कलियाओ। कुमरीओपेसियाओ पउमुत्तर-परिणयण-हेउं॥ एवं संपत्ताओ चत्तारि वि ताओ नंदणपुरंमि। कुमरीओ अमरीओ व्व मणहरंगीओ एक-दिणे॥ सोउं समागयाओ इमाओ परिओस-पसर-पडिहत्थो। तारावीड-नरिंदो पडिवत्तिं कुणइ सव्वासिं॥ कुमरीणं अणुरायं मुणिउं पउमुत्तरो वि संजाओ। तासु अणुरत्त-चितो रत्ते रचिज्जए जम्हा ॥ जुगवं कुणइ चउपहं ताण दिसाणं व सो कर-ग्गहणं ।
Jain Education International
For Private & Personal Use Only
www.jainelibrary.org
