________________
प्रस्तावः]
देवपूजायां पद्मोत्तर-कथा।
१३१
वचएण कला-कलावेण य एसो। ताओ वि चत्तारि कन्नागाओ मरिऊण आयामुहीए नयरीए दुन्नि जायाओ जयनरिंद-धूयाओ पउमिणी कुमुइणी य । एवं दुन्नि हथिणाउरे सीहनरिंद-धूयाओ विन्भमवई विलासर्वई य । अन्नया पवन्न-तारन्नाओ निरूवम-रूव-लावन्न-पुन्नाओ कला-कलावालंकिय-पन्नाओ कन्नाओ पेच्छिऊण जाया जयनरिंदस्स को एयासिं पवरो वरो होज्ज त्ति चिंता । तओ जयनरिंदेण देसंतरेहितो आणाविऊण रायपुत्त-पडिच्छंदया दंसिया पउमिणी-कुमुइणीणं । न वीसंता कहिं पि तासिं दिट्ठी । पउमुत्तरकुमार-पडिच्छंदयं पुण दवण भणियं एयाहिं
किं को वि एस तियसो अमय-तरंगो व्व नयण-तोस-करो। संभवइ न जम्हा माणुसेसु एयारिसं रूवं ॥ कहियं निउण-सहीहिं कुमरीण न एस सुरवरो किं तु । नंदणपुर-पहु-पुस्तो एसो पउमुत्तर-कुमारो॥ तं सोउं कुमरीणं वियंभिओ माणसम्मि अणुराओ । पुलयच्छलेण एसो सव्वंग-निग्गओ बाहिं ॥ सेय-जल-बिंदु-संदोह-सुंदरं भाल-मंडलं जायं । मयण-सर-विसर-ताडिय-गत्ताण व पसरिओ कंपो । तं चिय चिंतंतीओ लहंति ताओ निसासु वि न निदं । दीवसिहा-पडिपिल्लण-मल्ले मिल्लंति नीसासे ॥ वचंति चंद-चंदण-जलद्द-जल-संगमे वि संतावं । नहि कुसुम-सत्थरे पत्थरे व्व तत्ते लहंति रहं ॥ जंपंति पुरो निय-निय-सहीण स्वेण विजिय-तियसं पि । अन्नं न विवाहेमो मुत्तुं पउमुत्तर-कुमारं ॥ वुत्तमिणं मुणिऊण जयनरिंदेण निव्वुय-सणेण । दाऊण भूरि-कोसं समप्पिङ परियणं पउरं ॥ परिणयणत्थं पउमुत्तरस्स पउमोवमाण-वयणाओ।
पट्टवियाओ कुमरीओपउमिणी-कुमुइणीओ दुवे ॥ इओ य सीहनरिंदस्स पिउणो पणमणत्थं अत्थाण मंडवे समागयाओ विन्भमवई-विलासवईओ। ताओ युट्टण जंपियं रन्ना-अहो ! एयासिं भुवणच्छरिय-भूयं रूवं । अणन्न-सामन्नं लायन्नं । चंगिम-निवासो अंग-विन्नासो। परिओस-जणण-सीला लीला । पेसलं कला-कोसलं ! ता मन्ने नत्थि को वि पु
Jain Education International
For Private & Personal Use Only
www.jainelibrary.org
