Page Text
________________
१३१
कुमारपालप्रतिबोधे
[द्वितीयः नंदण-पमुहा बहवे कल्लाण-परंपरं पत्ता ॥ रना भणियं-भयवं ! कहमेयं, तो गुरू भणइ एवं । अस्थित्थ कासि-विसए नयरी वाणारसी नाम ॥ विबुह-जण-सेवणिज्जा पुन्नोदय-सालिणी सरिच्छ त्ति । जीए सहि व्व नेहेण सन्निहिं सेवए गंगा ॥ तत्थ निवो जयवम्मो जस्स वसीकय-समग्ग-अरि-वग्गो। खग्गो जयलच्छीए छज्जइ मयणाहितिलओ व्व ॥ तत्थत्थि असंखधणो संखो संखो व्व निम्मलो सेट्ठी। आएस-करो तस्सत्थि नंदणो नाम कुल-पुत्तो॥ अन्न-दिणे गामाओ आगच्छंतो सरंमि सो ण्हाओ। पवरं सहस्स-पत्तं दुटुं वेत्तुं च तं चलिओ ॥ दिहो चउहिं कन्नगाहिं भणिओ य ताहिं-अहो ! उत्तममेयं सहस्सवत्तं उत्तमस्सेव जुग्गं । नंदणेण भणियं-तंमि चेव जोजइस्सामि।कन्नगाहिं वुत्तंजुत्तमेयं । नंदणेण चिंतियं-महं ताव उत्तमो सेट्ठी, ता तंमि जोजइस्सामि । गओ सिटि-गेहं । निवेइयं सहस्सवत्तं । सिट्टिणा भणियं-उत्तमं खु एयं ति उत्तमस्सेव जुग्गं । नंदणेण भणियं एवं । किंतु तुमं चेव मे उत्तमो । सिटिणा भणियं-ममावि उत्तमो अमच्चो। नंदणेण भणियं-ता मे तं दंसेहि । सिट्ठिणा चिंतियं-धन्नो त्ति दंसिओ अमच्चो नंदणस्स। एवं अमच्चेण राया, रन्नावि गुरू, गुरुणावि जिणाययणे भयवं । सहस्सवत्तेण पुज्जिओ भयवं तित्थयरो नंदणेण। साहिया गुरुणा गुणा भयवओ। बहुमया नंदणाईणं । हलुय-कम्मग त्ति कओ अणेहिं बीय-संगहो, अज्जियं भोगफलं । कन्नगाणं पि जायं अणुमह-पञ्चयं पुन्नं । अइकंतो कोइ कालो।मओ आउक्खएणंनंदणो। समुप्पन्नो परिसराराम-रमणि. जया निज्जिय-नंदणे नंदणपुरे जणिय-अरि-नरिंद-पीडस्स तारापीडस्स रन्नो स. यलंतेउर-साराए सुताराए देवीए गन्भे पुत्तो। दिदं अणाए तीए चेय रयणीए सुविणे रंगंत-तरंग-पसरं पउमसरं । सुहविउडाए साहियं रन्नो।भणिया तेणदेवि ! पहाण-पुत्तो ते भविस्सइ । पडिसुयमिमीए । समए संजाओ से दोहलो देमि दीणाईण महादाणं, कीलेमि पउमसरेसु । संपाडिओ रन्ना । उचिय-कालेण पसूया एसा । जाओ देह-प्पहा-पसरेण गम्भ-घर-तिमिर-दारओ दारओ । कयं गरुय-रिद्धीए वधावणं । पडिपुन्ने मासे विहियं पउमुत्तरो त्ति नामं । वडिओ देहो
Jain Education International
For Private & Personal Use Only
www.jainelibrary.org |
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |