________________
१२८ कुमारपालप्रतिबोधे
[द्वितीयः ज्जो-अहो ! ते लोओत्तरं चरियं । नूणं तुमए दिव्व-पुरिसेण होयव्वं । ता पयडेसु अप्पणो सरुवं । तओ जाओ सो सत्थावत्थो।
तं दुटुं मयणं पिव पगिट्ट-रूवं पयंपए राया। नूणं गुणाण एसिं पयं चिय रूवमणुरूवं ॥ एत्थंतरंमि उवलक्खिऊण एक्केण बंदिणा पढियं । एसो सो मणिरह-राय-नंदणो जयइ मणिचूडो ॥ तुट्ठो जंपइ राया-अहो ! इमा पुन्न-परिणई मज्झ । जं तुममिहागओ तमलसस्स घरमागया गंगा ॥ तुह दायव्वा एस त्ति अम्ह चिंता पुरावि आसि इमा। निय-विक्कमेण किणिया कुमार ! संपइ इमा तुमए ॥ ता एयं जयलच्छि मह धूयं रायपुत्त ! परिणेसु। एवं ति जंपिऊणं परिणीया सा कुमारेण ॥ अह खुज्जो पत्थिव-पत्थाणइ अमरो व्व मणहरो जाओ। परिणाविओ स धूयं निवेण इय वइयरं सोउं ॥ पत्ताओ कामलेहा-पमुहाओ हरिस-वियसिय-मुहाओ। तं दुटुं बिंति इमं अम्हं तिण्हं पि एस पई ॥ मुणिऊण इमं राया तुट्टो तुम्हे वि मज्झ धूयाओ।
इय भणिउं संमाणइ तिन्नि वि आहरण-वत्थेहिं ॥ सरीरस्स लक्खणाई सरीरेण सह वच्चंति त्ति निच्छियं कुमारेण । अन्नया निय-जणणि-जणय-दसणुकठिओ कुमारो विसज्जाविऊण जयसेणरायं विउव्विऊण मणि-दिप्पमाणं महप्पमाणं विमाणं । आरोविऊण तम्मि चत्तारि वि घरिणीओ आगओ नियनयरं । पणओ भजा-समेओ जणणि-जणयाणं । आसीसादाण-पुव्वं आणंदिओ तेहिं।
जो एगागी नयराओ निग्गओं आगओ य रिडीए । सो कुमरो पुन्न-निहि त्ति जाणिउं हरिसिओ जणओ॥ अह सीलंधर-गुरुणो पयमूले धम्म-देसणं सोउं । मन्नइ विसं व विसमं विसय-सुहं मणिरहो राया ॥ निय-रजे मणिचूलं निवेसिउं गिण्हए इमो दिक्खं । मणिचूडो पुण पालइ अप्पडिहय-सासणो रजं ॥ तत्थन्नया मणिरहो रायरिसी जाय-केवलन्नाणो ।
Jain Education International
For Private & Personal Use Only
www.jainelibrary.org
