Page Text
________________
प्रस्तावः] देवपूजापूजाविषये सोम-भीमयोः कथानकम् ।
१२७ दुस्सहं विरह-दसं अणुहवंतीओ चिट्ठति । कुमारो वि वज्जवेग-विज्जाहरिंदविसज्जिओ सुलोयणाए समं आगओ जयपुरं। वीसंतो नियघरासनुजाणे । तिण्हं पि भजाणं चित्त-परिक्खणत्थं कयं कुमारेण खुजरुवं । पुरओ ठियं पितं अन्नं व मन्नंती सुलोयणा-हा अजउत्त ! मं मुत्तूण कत्थ गओसि त्ति रोविडं पवत्ता । दिट्ठा कामलेहा-चंदलेहाहिं । पइविरहियत्तणओ तइया अम्ह एसा होउ त्ति भणंतीहिं नीया नियसमीवं । कुमारो वि कय-खुज-रूवो विविह-विणोएहिं विम्हावंतो नयर-लोयं पसिद्धो जाओ। सद्दाविओ रन्ना जयसेणेण । रंजिओ तेण राया कला-कोसल्लेण । अन्नया रन्नो सहाए जाओ संलावो, जहा, इत्थ पइ-विउत्ताओ तिन्नि तरुणीओ चिट्ठति।ताओअन्नपुरिसेण समं न जपंति । रन्ना वुत्तं-अस्थि को वि जो ताओ बुल्लावेइ । जाव न को वि किं पि जंपइ ताव भणियं खुज्जेण–देव ! देहि मे आएसं, जेण बुल्लावेमि । रन्ना वुत्तं-एवं करेसु। कइवय-वयंस-संगओ गओ सो तासिं आवासे। आढत्तो विचित्ते काउं कहालावे । भणिओ एक्केण मित्तेण किमन्नेहिं, कहेसु कन्न-सुहावहं चरिय-कहं । कहियं खुज्जेण, जहा-मणिरहराय-पुत्तो मणिचूडो सिरिउर-सामिणो धूयं कामलेहं परिणिऊण इहागओ । तहा एको राय-पुत्तो सीहरह-रायधूयं जोगिणा परिणिज्जंतं रक्खिऊण परिणिऊण य इहागओ। तहा एक्को राय-पुत्तो विज्जाहर-धूयं सुलोयणं परिणिऊण इहागओ त्ति । अम्ह चरियमेयं ति तुट्ठ-चिताहिं ताहिं भणियं-पच्छा ते कहिं गय ? त्ति। राय-सेवा-समओ मे संपयं ति पयंपंतो गओ खुज्जो । नाय-वुत्तंतेण अहो! सव्व-कला-कुसलो त्ति पसंसिओ रन्ना ।
मंतंति ताओ तिन्नि वि खुज्जस्स इमस्स वयण-सवणेणं । अमय-रसेण व सित्तं गत्तं जं अम्ह ऊससइ ॥ जं सव्वासिं अम्हाण एस परिणयण-वइयरं मुणइ। तं विहिय-खुज्ज-रूवो एसो चिय नूणमम्ह पई ॥
अन्नया रन्नो कन्ना कनावयंसभूया भुवणलच्छीए संभवा जयलच्छी नाम कुटिम-तले कंदुगेण कीलंती दिवा कामंकुर-विजाहरेण । जायाणुराएण हरिउमाढत्तो । अक्कंदियं परियणेण । अत्थि को वि सप्पुरिसो जो अम्हसामिणिं विजाहरेण हीरमाणिं रक्खेइ। एयं सोऊण आउलीभूओ राया। देव ! न कायव्वो खेओ, कित्तियमेत्तमेयं ति वुत्तूण उप्पइओ गयणयलं खुज्जो । निज्जिऊण विजाहरं नियत्तिया तेण जयलच्छी । विम्हिएण भणिओ रन्ना खु.
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |