________________
१२४ कुमारपालप्रतिबोधे
[द्वितीयः विलंबसि, करेसु विवाहनेवत्थं । एयं सोऊण चिंतियं मणिचूलेण-मन्ने एसा कावि पुव्व-कय-संकेय-पुरिस-बुद्धीए ममं एवमुल्लवइ । ता पिच्छामि विहिविलसियं ति उहिओ सो । परिहाविओमाहवीए पसत्थ-वत्थाहरणाईणि । कराविओ कामलेहाए करग्गहणं । भणिओ य तीए-अज्जउत्त! जइवि अविरुडो एस विही, तहावि गुरुयण-अणाउच्छाए सयं कीरंतो न संतोसं जणइ, ता संपयं इत्थावत्थाणं अणुचियं ति । तओ मणिचूलो चलिओ ताहि समं । पहाय-समए दिट्ठो कामलेहाए सुहय-चूडामणी मणिचूडो । किमेयं ति पलोइयं मुहं माहावीए, असमिक्खियं कयं ति विसन्ना सा । भणिया कामलेहाए
मा कुणसु किं पि खेयं कायमणिं पइ पसारिए हत्थे । जइ चडइ मरगय-मणी पुन्न-वसा किं तओ नटं ॥ भोत्तुं गुडमोयगमुज्जयाइ जइ खंडमोयगो लडो। ता किं हरिसावसरे कायव्वो होइ मणखेओ॥ मणिचूलेण वि दिट्ठा पगिट्ट-रुवा रइ व्व राय-सुआ। तो चिंतियं इमेणं अहो अणब्भा इमा वुट्टी!॥ इय अन्नोन्न-पलोयण-पहिट्ट-चित्ताई ताई पत्ताई। जयउर-नयरं तत्थ य ठियाई वेत्तूण आवासं॥ अन्न-दिणे वण-लच्छि पिच्छंतो कोउगेण हय-हियओ। कुमरो पत्तो दूर, अह अत्थमिओ दियह नाहो ॥ आसन्न-गिरि-निगुंजे कुमरेण निसामिओ करुण-सहो । रमणीइ रुयंतीए तत्तो सद्दाणुसारेण ॥ वच्चंतेण अणेणं दिट्ठा सुर-सुंदरि व्व स्वेण। अविरल-बाह-जलाविल-विलोल-लोयण-जुया जुवई॥ तीए पुरो निविटो दिट्ठो जोगी कयंजलीए एको। दिटुं तेसिं पासंमि जलण-कुंडं च पजलंतं ॥ होऊण लयंतरिओ मणिचूडो जाव चिट्ठए निहुओ। तो सुणइ जोगिणं तं जंपंतं चाडवयणाई॥ पसयच्छि ! पसीयसु कुरु पमोयमेवं किमुव्वहसि खेयं । किं न पलोयसि मं पेम्म-पसर-पुन्नेहिं नयणेहिं ॥ साहिय-अणेग-विजो जोऽहं कणगाइ-सिद्धि-लद्ध-जसो।
Jain Education International
For Private & Personal Use Only
www.jainelibrary.org |
