________________
प्रस्ताव: ]
देवपूजापूजाविषये सोम - भीमयोः कथानकम् ।
तुल्ले व माणुसते एके पहुणो पयाइणो अन्ने । सुकयं विण कहमिणं अकारणं होइ नहि कज्जं ॥ ता पणमामो देवं न जेण पुण दुक्ख भायणो होमो । अह भणियं भीमेणं केणावि हु विप्पलद्धोसि ॥ जम्मा न कोइ देवो न गुरू न य पर भवाणुगो जीवो। ता सुकय- कए खिज्जसि तुमं किमेवं मुहा सोम ! १ ॥ एवं बारंतस्स वि भीमस्स इमो गओ जिणाययणं । दुहूण बीयरायं परमं परिओसमावन्नो || वेत्तूण रूवणं कुसुमाई कुणइ तेहिं जिणपूयं । भत्तीए तं पणमइ मन्ने कयत्थमप्पाणं ॥ पुन्नाणुबंधि- पुण्णं बंधइ तेणेव पुन्न जोएणं । अकय- तहाविह- पावो एसो आउक्खए मरिचं ॥ जाओ एत्थेव पुरे मणिरह - रायस्स मणहरंगीए । मणिमाला - देवीए पत्तो नामेण मणिचूलो ॥ सोलंकिओ कलाहिं अबलाहिव विहिय- पाडिसिडीहि । पडिवन्नो तारुन्नं अणन्न- सामन्न-लायन्नं ॥
अन्नया विड्डू - गुट्ठीए वहमाणस्स कुमारस्स पुरओ भणियं एक्केण पुरिसेण जहा - सरीरस्स लक्खणाई सरीरेण सह वच्चंति, सच्चमेयं नव त्ति परिक्खणत्थं रयणीए नयराओ निग्गओ खग्ग-सहाओ कुमारो । परिब्भमतो पत्तो सिरिउरं नाम नयरं । तत्थ समर-निज्जिय-सयलारिसेणो सिरिसेणो राया । तस्स हरिणो सिरि व्व सिरिकंता देवी । ताण तइलोक्कालंकार- भूया कामलेहा धूया सा जुव्वाणत्था पत्ता पिउ-पणमणत्थं अत्थाणमंडवं । तत्थ पयट्टो नविही । तं पच्छंतीए तीइ पसरिओ गायणंमि अणुराओ । पाएण एरिसेसुं पुरिसेसु रमंति रमणीओ ॥ ती कओ निसी कामाययणे विवाह संकेओ । जुत्ताजुत-वियारो न होइ कामाउराण जओ ॥
१२३
तओ विवाहसुयत्तणेण असंजाए वि मज्झरते विवाहोवगरण- हत्थाए माहवीए सह समागया काम भवणे कामलेहा । कया कुसुमाउहस्स पूया । माहवीए भवण अंतरं परानुसंतीए भवियब्वया-वसेण पुष्व पसुप्तो पत्तो मणिचूलो । पुव्वुत्त- गायण-संकाए सवणमूले ठाऊण भणिओ सो- किं
Jain Education International
For Private & Personal Use Only
www.jainelibrary.org
