Page Text
________________
प्रस्ताव: ]
देवपूजायां देवपालदृष्टान्तम् ।
दहुं इमं पभावं असंभवं देवपाल- देवस्स । सव्वे विनिवा आणं वहति सीसेण कुसुमं व ॥ कणय-मय-पासायं जुगाइदेवस्स कारिऊण इमो । पहवण-विलेवण - बलि-मीय-नट्ट- पमुहं कुणइ पूयं ॥ लच्छी जणद्दणस्स व मणोरमा तस्स वल्लहा देवी । तीए सह सो निचं वच्चइ जिण अच्चण-निमित्तं ॥ अन्नया रन्ना समं वच्चंतीए मणोरमाए देवीए जिण-भवणासन्ने दिट्ठो खंधट्ठिय-कट्ट- कावडि-सणाहो कवाडिओ । तं दद्दूण कत्थ मए एस दिट्ठपुत्र्वोत्ति चिंतंतीए देवीए समागया मुच्छा, हा ! किमेयं ति विसन्नेण रन्ना कया सिसिरोवयारा, सत्थी या देवी भणियमणाए
अडविहि पत्ती नहि जल तो विन वूहा हत्थ । अव्वो तह कवाडियह अज्ज विसज्जिय वत्थ ॥
रन्ना वृत्तं देवि ! को एस वृत्तंतो ? देवीए भणियं - देव ! देव मंदिरदुवार - देस- मंडणे मंडवे उवविसह जेण कहेमि वृत्तंतमेयं । तत्थ गंतूण समत्त सामंत- मंति- परियरिओ निविट्टो राया । अग्गओ उवविसिऊण भणियं देवीए - देव ! सहावेह कोहलं नाम कव्वाडियं । रन्ना पुरिसं पेसिऊण सदाविओ | आगओ सो देवीए भणिओ - भद्द ! सिंहला नाम ते भज्जा आसि ? तेण वृत्तं - एवं ! देवीए वृत्तं- कयाइ तुमए समं एत्थ पसे सा आगया । दिट्ठो तीए जुगाइ - देवो परिओस-वस- वियसिय-वणाए भणिओ तुमं- पिययम ! इमं देवाहिदेवं जहासत्तिं पुज्जिऊण पणमामो जेण जम्मंतरे वि एरिसाणं दालिह- दुक्खाणं ठाणं न भवामो। तुमए वृत्तं पिये ! धम्म - गहिला तुमं किं पि न जाणसि, अहं पुण पर पेसत्त-दुत्थिओ न सक्केमि किं पि काउं । तओ तुमं धम्म-विमुहं मुणंतीए सयं चेव नई-नीरेण हविऊण कल्हाराईहिं पुज्जिऊण य पणमिओ देवो । बद्धं सुह- मणुस्साउयं । एत्थंतरे देव ! दिट्ठो तीए तुमं । अपत्तरज्जो पुज्जंतो पणमंतो य देवं, चिंतियं च धन्नो एसो जो तुले वि परपेसत्तणे पुज्जेइ एवं देवं न उण मे पइ ति । तओ इमस्स परमप्पणो पुज्जणेण जीविय - फलं मए पत्तं ति चिंतंती गया सा गिहं । निसाए विसूइया - वसेण तेणेव सुहज्झवसाणेण मरिऊण समुप्पन्ना रायधूया एसा अहं । संपयं इमं कव्वाडियं दट्ठूण मे संजायं जाईसरणं । तओ पढियं मए 'अडविहि पत्ती ' इच्चाइ | कोहलेण वृत्तं देव ! देवीए जं आणतं तं सव्वं सच्चं ति ।
१६
Jain Education International
-
१२१
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |