________________
१२०
कुमारपालप्रतिबोधे
[द्वितीयः करिज, सो य मज्झ पभावेण चालिस्सइ । तओ सव्वो वि जणो तुहाणं करिस्सइ । एवं सोऊण तुट्टो देवपालो समागओ रायभवणं । आणवेइ कुलाले, जहा-करेह रायवाडिया-जुग्गं उद्ग्गं मयगलं । जं देवो आणवेइ त्ति वुत्तूण सिग्धमेव कओ सो तेहिं । महिय-मय-मयागलारुढोराया रायवाडियं करिस्सइ त्ति जाओ जण-प्पवाओ। सामंत-मंति-मंडलियाइणो इणमत्थं सोउं हसिड पयट्टा, जो मट्टिय-मय-मयगलारूढो रायवाडियं राया काउं वंछइ, सो एस अवितहं चेव गोवालो।
कोउग-वसेण बहुओ गामेहिंतो समागओ लोओ। देउल-गोउर-घरसिर-गवक्ख-रुक्खेसु आरूढो ॥ जोइसिय-विणिच्छिय-सुह-दिगंमि कम्मयर-नियर-उक्खित्तो।
सालंगणी-समीवे हत्थी आणाविओ रन्ना ॥ चित्तिओ विचित्त-वन्नएहिं चित्तयरगणेण, अलंकिओ मणि-कणय-भूसणेहिं, सजिओ कंचण-गुडासारीहिं, कओ विचित्त-चिंधचिंचइओ, अवरे विसजिया कुंजरा, पट्टविया नरिंदाईणं, पक्खरिया तुरया, सन्नद्धा सुहडा, पउणीकया रहवरा । पडिहारं पेसिऊण हकारिओ सेट्ठी । अप्पणो समं कराविओ सिंगारं । अंकुसं चित्तूण राया निविट्ठो अग्गासणे, पच्छासणे निवेसिओ सेट्ठी।
एत्थंतरंमि चलिओ सुवन्न-सेलो व्ध जंगमो हत्थी। विहिओ महंत-विम्हय-वसेण लोएण जय-सद्दो॥ वजंताउज-निनाय-भरिय-भुवणो समग्ग-सिन्न-जुओ। ठाणे ठाणे कीरंत-मंगलो निग्गओ राया ॥ पत्तो जुगाइदेवस्स अग्गओ गयवराओ ओइन्नो। तं अचिऊण पणमइ नरिंद-सामंत-मंति-जुओ। पुणरवि गयमारूढो ढलंत-सिय-चामरो धरिय-छत्तो। पुर-सुंदरीण तण्हाउरेहिं नयणेहिं पिजंतो॥ नचंत-रमणि-चकं तेणेव कमेण मंदिरं पत्तो। उत्तरिऊण गयाओ जिणदत्तं जपए सेटिं। तुह गोवालेण मए एसो नयरंमि भामिओ हत्थी। पत्तो परं तुमं पुण खंभे अग्गलसु गयमेयं ॥ तत्तो सिट्ठी गहिऊण अंकुसं कुणइ गमण-संनाओ। एक पि पयं न चलइ गओ गओ सो विलक्खत्तं ॥
Jain Education International
For Private & Personal Use Only
www.jainelibrary.org
