________________
प्रस्ताव: ]
देवपूजायां देवपालदृष्टान्तम् ।
ताव कुलदेवयाए भणिओ राया–करेसु मा खेयं । करिपमुहाई अहिसिंच पंच दिव्वाई पञ्चसे ॥ जं पुरिसं पडिवज्जंति ताइं तं ठविऊण रज्जंमि । परिणाव निय-कन्नं परलोय-धियं कुणसु पच्छा ॥ इय देवयाइ वयणेण पत्थिवो किंचि निव्वुओ जाओ । वसणे वयणं पि सुहं खु कुणइ किं पुण हिया बुद्धी ॥ तो गोसे अहिसित्ताई पंच दिव्वाई ताइं पुरमज्झे । भमिडं गयाई बाहिं दिवायरे गयण-मज्झ गए ॥ गोदोहियाहिं गावीसु दुज्झमाणासु जत्थ गोवालो । वित्थिण्ण-वड-विडविणो छायाए अच्छइ पसुत्तो ॥ तं दण गयंदेण गज्जियं हेसियं तुरंगेण । सयमेव ससि - सवत्तं छत्तं उवरि ठियं तस्स ॥ ढलिया य चामरा करिवरेण कलसोदएण पहविऊण । खंधे चडाविओ सो विहिओ लोएहिं जय - सद्दो || वत्थाहरणेहिं विभूसिऊण नयरे पवेसिओ एसो । अहिसिंचिऊण रज्जे रन्ना परिणाविओ धूयं ॥ तो सीहरहो गंतुं केवलि-पासे पवज्जिडं दिक्खं । पच्चक्खेइ चउहिमाहारं जाव जीवं पि ॥
सम-सुह- दुक्खो सम-कणय- पत्थरो सम-सपक्ख-पडिवक्खो । आउक्खए मओ सो चउत्थ-दिवसे दिवं पत्तो ॥
कंबल - लट्ठि - करंबय-मडक्किया- दंडि-खंड-पभिईणि । गो- दोहियाहिं वेत्तुं घरम्मि सेट्ठिस्स नीयाई ॥
गोवालो ति काउं मंति- सामंताइणो तस्स आणं न कुणंति । महायणप्हाणोति मंतणत्थं हक्कारिओ अणेण जिणदत्त सेट्ठी । सो वि अवन्नाए नागच्छइ । केवलं मम गोवालो इमो त्ति पयडणत्थं कंबलि-मडक्किया- दंडिखंडाईणि रयणीए सीहदुवारे सेट्ठिणा तोरणीकयाणि । ताई दण चिंतियं देवपाल- देवेण - जेण मे रजं दिनं तमेव देवं विन्नवेमि किं अन्नेणं ? ति गओ जुगाइ - देव-पडिमा - पासं । कप्पूरागुरु-कुसुमुच्चएहिं तं अञ्चिऊण विन्नवेइ — भयवं ! जहा तुमए मह महारज्जमेयं दिनं तहा आणिस्सरियं पि देहि जेण रज्जं थिरी होइ । वंतरेणंतरिक्ख-ट्ठिएण भणियं - मट्टिय-मय-मयगलारूढो रायवाडियं
Jain Education International
११९
For Private & Personal Use Only
www.jainelibrary.org
