Page Text
________________
देवपूजायां देवपालदृष्टान्तम्।
११७ दट्टण जस्स विहवं समणं व जणा मुणंति वेसमणं । जो तस्स पत्थिवस्स वि थप्पण-उत्थप्पण-समत्थो॥ तस्सत्थि घरे पडिवन्न-वत्थु-निव्वहण-विहिय-गुरु-सत्तो। खत्तिय-गुत्तुप्पन्नो गोवालो देवपालो त्ति ॥ सो जिणदत्तं दटुं धम्म-परं किंचि भद्दओ जाओ। पंच-परमेहि-मंतं च सिक्खए मुणि-समीवंमि॥ अह विस्थारिय-रंभो निरंभिओ गाढ-गिंभ-संरंभो। तडिकय-घण-परिरंभो वियंभिओ पावसांरंभो॥ जत्थ घण-धूम-संगय-नहंगणो गरुय-विज्जुल-पजालो। खज्जोय-फुलिंग-जुओ पहिय दुमे दहइ मयण-द्वो ॥ जत्थ लहिऊण उदयं पाडंति तडकुमे गिरि-नईओ।
दूमंति कं न नीया वित्थरिया महिहरेहिंतो॥ तंमि पाउसेगावी-चारणत्थं गओगोवालो गिरिनिगुंजे । दिडं तत्थ नइपूर-खणिय-खोणि-प्पएसे पसरंत-कंति-चुंबण-चउरेहिं चिहुरेहिं अंसत्थल-विलसिरेहिं रेहंत हरिणंकमंडल-मणहरंजुगाइ-देवस्स वयणं । तइंसणाओसमुप्पन्नो देवपालस्स समुदस्स व समुल्लासो । तओ तेण खणिऊण पासाई अवणीओ चउदिसं पंसु-पूरो । पयडी-कया सव्वंग पडिमा।काऊण पेढं ठविया तत्थ एसा। उवरि विरइया कुडी, चिंतियं च-धन्नोहं जस्स मे परपेसण-वावडत्तणेण परवसस्स सयं देवाहिदेवेण दंसिऊण अप्पाणं पसाओ कओ ता मए जावजीवं इमं दट्टण पुजिऊण य जहासत्ति भुत्तव्वं ति कओ निच्छओ । तओ गोवालो गावी-चारणत्थं गओ। कल्हार-सिंदुवार-कुसुमाईहिं पुजिऊण जिणं पणमेइ । पव्व-दिणे पुण संनिहिय-नई-नीरेण ण्हवेइ । एवं कुणंतस्स तस्स अइकंतो कोई कालो । इओ य सीहरह-नरिंदस्स निरवचत्तणेण दूमिय-मणस्स मणोरह-सएहिं देवीए कंचणमालाए समुप्पन्ना मणोरमा नाम कन्ना । गहिय-कला-कलावा जाया जोव्वणाभिमुही।
वयण-नयणेहिं जीए विणिजिया लज्जिय व्व ससि-हरिणा ।
गयणमि गया मिलिऊण दो वि भमडंति रयणीए॥ कयाइ वासासुं सत्तरत्तं निविड-निविडंत-नीर-संघाया संजाया बुट्ठी। नयरस्स वणस्स य अंतराले पडत-पउर-पयपूर-वसेण नई अपारा संपन्ना। बाहिं गंतुं अपारयंतो देवपालो देवस्स अदंसणेण अकय- भोअणो ठिओ सत्त-दिय
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |