________________
प्रस्तावः ]
१५
परधनहरणे वरुणकथा ।
ता कुणसु इमं रज्जं तुमं ति वुत्तुं तिरोहिओ रक्खो । कय- लोय - चमक्कारो नरसीह-निवो कुणइ रज्जं ॥ अह तत्थ समोसरिओ संतिजिणो तस्स वंदण-निमित्तं । राया गओ जिणिदं नमिउं परिसाए विणिविट्ठो ॥ अह कणगवई देविं समप्पिडं खेयरेण नरसीहो । भणिओ एवं - नरनाह ! जं मए मयण-वसणेण ॥ अवहरिया तुह देवी तमहं कुलदेवयाइ सिक्खविओ । तुमए कयं अजुत्तं जं आणीया इमा देवी ॥ एयं महासई खलु खलीकरंतो लहिस्ससि अणत्थं । ता संति-समोसरणे नेउं अप्पसु इमं तस्स ॥ संति-समोसरण- ठिओ तुममेत्तिय कालाओ मए दिट्ठो । ता खमसु मे महायस ! देवी - अवहार-अवराहं ॥ कम्माण एस दोसो न तुह त्ति खमा-परो भणइ राया । जम्हा चयंति वेरं विरोहिणो जिण समोसरणे ॥ अह भइ संतिनाहो सव्वमिमं एस कम्म- दोसो त्ति । पत्तोसि रज्जविगम-प्यमुह-दुहं तव्वसेण जओ ॥ तं पुण सुण पत्थिव ! इत्थ अस्थि वित्थिन्न वावि - कूव-सरं । सीहउरं नाम पुरं तत्थ वणी गंगणागो त्ति ॥ जो वीयराय भत्तो मुणि-जण-पय-पज्जुवासणासत्तो । नीसेस- दोस- चत्तो गुरु-सत्तो मुणिय- नव-तत्तो ॥ तस्सासि पयइ-भद्दो वरुणो नामेण गेह-कम्मयरो । सो पत्तो सह इमिणा मुणीण पासे सुणइ एयं ॥ पर दोह-वह-वाडण-बंदग्गह- खत्त-खणण-पमुहाई । परधण- लुडो जो कुणइ लहइ सो तिक्ख-दुखाई ॥ वरुणो मिves नियमं जा जीवं चोरिया मए चत्ता । गेह-गएण सिरीए धरिणीए तेण कहियमिणं ॥ जुत्तं विहियं तुमए ममावि नियमो इमो त्ति भइ सिरी । इय नियम- पराणं ताण नेह-पवराणं जंति दिणा ॥ अह गंगणाग-गेहे वरुणेण सुवन्न संकलं दिनं । चलिय-मणेणं गहिऊण अप्पियं तं निय-पियाए ॥
Jain Education International
For Private & Personal Use Only
. ११३
www.jainelibrary.org
