Page Text
________________
कुमारपालप्रतिबोधे
एयं पितए न सुअं आ पावे ! फिट्टसु त्ति चिंतेण । हणिण मत्थए सा हत्थेण गलत्थिया दूरं ॥
तओ देवया - रूवं पथडिऊण भणिओ तीए राया— भद्द ! अहं नयरदेवया, तुहरूवक्खित्त-चित्ताए चिंतियं मए - मयणो व्व मणहरो किं एस एगागित्ति जाणिया य ते भज्जा खेयरेण अवहरिया । ता तीए रूवं काऊण भोगत्थमन्भत्थिओ तुमं । सत्त-सारत्तणेण तुमए न खंडिओ नियमो । पच्छा तुह भेसणत्थं वड्ढिडं पवत्ता । तहावि खोहिउं न सक्किओ तुमं । ता महासत्त ! तुह तुट्ठाऽहं । किंपि पत्थेसु । पत्थिवेण वृत्तं - अउन्न - जण दुल्लहं दिव्व दंसणं दितीए तुम किं न दिन्नं । अओ परं किं पत्थेमि ? | अमोहं दिव्व-दंसणं ति भणंतीए देवयाए बद्धं रन्नो भुआए अणष्प- माहप्प - मणिसणाहं रक्खा - कडयं, भणियं च - इमिणा बाहु-बद्वेण न पहवंति जक्ख- रक्खसाइणो ।
ता वच्च कंचणउरे तुह होही तत्थ रज्ज-संपत्ती । इय जंपिऊण पत्ता असणं देवया झत्ति |
११२
सो पच्चूसे चलिओ कमेण कंचणउरंमि संपत्तो । रज्ज -पयाण- पडहं वज्जंतं तत्थ निसुणेइ ॥
तो विम्हिण इमिणा वत्थव्वो तत्थ पुच्छिओ पुरिसो । किं दिज्जंतं पि इमं रज्जं न हु को वि गिहे ? ॥
Jain Education International
तेण कहियं - जो एत्थ रज्जे निविसइ सो पढम-निसाए चेव विणस्सह । नरसीण. छित्तो पडहो । नीओ सो भवणं । निवेसिओ रज्जे । विविह-विणोएहि अइक्कतं दिणं, आगया रयणी । जग्गंतस्स भयं नत्थि त्ति पल्लेकं मुत्तूण दीवच्छायाए गहिय - खग्गो जग्गंतो ठिओ राया । मज्झ-रत्ते पत्तो रक्खसो । दिन्नो तेण खग्ग-घाओ पल्लेके जाव न कोइ विणासिओ, ताव जोइया दिसाओ। दिट्ठो राया । रन्ना वृत्तं को तुमं जो सुतेसु पहरसि ? । तेण वृत्तं - अहं रक्वसो । को पुण तुमं ? रन्ना वृत्तं - अहं भेक्खसो । तो रक्खसेण हसिऊण जंपियं-भद्द ! अवितहं जायं जं हुंति रक्खसाणं पि भेक्खसा लोयवयणमिणं । अन्नं च स्रुण नरेसर ! इह नयरे आसि दुम्मई राया । तत्थ विमलस्स वणिणो भज्जा रइसुंदरी नामा । रइसम रूव त्ति निवेण तेण अंतेउरंमि सा छूढा । तव्विर हे नेह-वसेण भोयणं चउविहं चहउं विमलो मरणं पत्तो संजाओ रक्खसो | इमो सोहं । संभरिय - पुव्व-वेरेण दुम्मई सो मए निहओ । जो को वि तस्स रज्जमि निवसए तं पि झत्ति निहणेमि । भद्द ! तुमं तु परित्थी परम्हो तेण तुट्ठोऽहं ।
[ प्रथमः
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |