________________
प्रस्ताव: ]
परधनहरणे वरुणकथा ।
जा पुण वि रज्जलाभो न होइ इय नियमणंमि संठविडं । सो बहु-विह- देसेसुं परिब्भमंतो गमइ कालं ॥ अह सिरिउरंमि नयरे वीसंतो नयर-देवयाययणे । सो तत्थ नियं दइयं हुं परिओसमावन्नो || जंपर तुमं पिययमे कहमिह पत्ता अणन्भ-वुट्ठि व्व ? | सा भणइ खेरेणं नीयाऽहं तेण निय-नयरे ॥ अणुराय - परवसेणं बहुसो अन्भत्थिया य भोगत्थं । नय मनिओ मए सो जणय-सुयाए व्व दह वयणो ॥ तत्तो विलक्ख-चित्तेण तेण इह आणिऊण मुक्काऽहं । रन्ना भणियं - को कुणइ परिभवं सीलवंतीणं ॥ अह वल्लहं पि मिल्लाविऊण नहलच्छि - संगम सूरो । हय- दिव्व-निउगेणं गमिओ अत्थगिरि - सिहर-वणं ॥ तो पयडिडं पवत्ता पढमं संज्झासु निन्भरं रायं । खुद्द - महिल व्व पच्छा संजाया तक्खण-विराया ॥ रयणीए पत्थवो तत्थ पत्थरे विहिय-सत्थरे सुत्तो । एसा वि सुवत्ता तस्स चेव आसन्न देसंमि ॥ तम्मि समयंमि व हेमंतो काम - वसिय-रणमंतो । अग्घविय तेल-कुंकुम -कामिणी- थण-जलण- पावरणो ॥ अह जंपियं इमीए - नाह ! दढं पीडियम्हि सीएण । निय-पड - पेरतेणं पावरिया तो इमा रन्ना ॥ सा पाणिपल्लवेहिं आढत्ता फरिसिउं निवस्स तणुं । तह पीडिउं पवत्ता थण-कलस-भरेण वच्छयलं ॥ तो रन्ना पडिसिडा सा जंपइ-नाह ! किं निवारेसि । विरहानल - संतत्तं चिराउ मं किं न निव्ववसि ॥ सो भइ - रज्ज-लाभं जाव मए वज्जिओ जुवइ-संगो । सा वि विलक्खा तं भेसिडं कुणइ अत्तणो वुद्धिं ॥ तं दहुं वतिं दइया विसरिस - वियार- जुत्तं च । मज्झ पिया कणगवई न इम ति विणिच्छियं रन्ना ॥ हियडा संकुडि मिरिय जिम्व इंदिय पसरु निवारि । जित्तिउ पुज्जइ पंगुरणु तित्तिउ पाउ पसारि ॥
Jain Education International
For Private & Personal Use Only
१११
www.jainelibrary.org
