________________
११०
कुमारपालप्रतिबोधे
ता नरसिंहो राया अणुराय - परव्वसो विसय-गिडो । चिट्ठइ पेच्छतो चि कणगवइए वयण-कमलं ॥ सो - गीय-वाइत्त-चित्तकम्माइणा विणोएन । तीए चिअअक्खित्तो तणं व रज्जं पि मन्नेइ ॥ करि-तुरय- कोस- चिंतं न कुणइ न महायणं पलोएइ । निय-देसं पि न रक्खड़ पचंत-निवेहिं भज्जंतं ॥ तो गुत्तिएण सूरेण मंतिउं सह पहाण - पुरिसेहिं गहिउं रज्जं निस्सारिओ अ एसो पिया - सहिओ ॥ सो भइ महीवलयं छुहा- पिवासाइ दुह-भरक्कंतो । कामाउराणमहवा कित्तियमेयं मणुस्साणं ॥ अह काणणंमि एक्कमि मग्गखिन्नस्स वीसमंतस्स । दइउच्छंग- निवेसिय- सिरस्स तस्सागया निद्दा ॥ एत्थंतरंमि हरिया कणगवई वेयरेण केणावि । हा नाह ! रक्ख रक्ख त्ति करुणसद्दं विलवाणी ॥ रन्ना विविबुद्धेणं कड्डिय-खग्गेण जंपिओ खयरो । सुत्तस्स में पिययमं तुमं हरंतो न लज्जेसि ॥ ता मुंच पियं मह होसु संमुहो जइ तुमं मणुस्सोसि । जे तुह सिक्खमिमिणा करेमि तिक्खग्ग-खग्गेण ॥ इय तस्स भणतस्स वि खणेण खयरो अदंसणं पत्तो । तत्तो विसण्ण-चित्तो नरसिंहो विलवए एवं ॥ हा ! कमल विउल- नयणे ! मयंक वयणे ! सुहा - महुर-वयणे ! | तुमए विणा विणासो सुहस्स मह संपयं जाओ ॥ अमओवमेण तुह दंसणेण परिओसमुव्वतस्स । मह न मणुब्वेगकरं रज्ज -परिस- दुक्खं पि ॥ करि-तुरय-रह-समिद्धं रज्जं हरिऊण किं न तुट्ठोसि । जं हयविहि ! हरसि तुमं मह हिययासासणं दइयं ॥ वसणंमि ऊसवंमि य अभिन्न हियया हवंति सप्पुरिसा । इय चिंतिऊण एसो नरसिंहो धरइ धीरतं ॥ अजिइंदियत्तणेणं मंसं रज्जस्स अहमिणं पत्तो । तत्तो विवज्जइस्सं अओ परं रमणि-संभोगं ॥
Jain Education International
For Private & Personal Use Only
[ प्रथमः
www.jainelibrary.org
