Page Text
________________
प्रस्ताव: ]
परधनहरणे वरुणकथा |
जीवेण साहारणे अग्गि-तक्कराईणं पयाण-मित्तफले परमत्थओ आवयाकारए अत्थे वि पडिबंधो । ता पडिबोहेमि एयं । तओ भणियं- -अज्ज कुबेर ! किमेसो लक्खो ? | कुबेरेण भणियं — देव ! एसो । कुमारेण वृत्तं - भो! किं दोन्हं एगमित्तेण कित्तिओ वा एगलक्खो ?, न खलु एएण इत्थं पि जम्मे एए चित्तदारया परिमिएणावि वरण सुहिणो भवंति । नय असंपयाणेण अपरिब्भंसो संपयाए । अवि य खीणे य पुन्नसंभारे नियमा विणस्स |
तहा
अणुदियहं दितस्स वि झिजंति न सायरस्स रयणाई । पुन्न-क्खण झिज्जइ ता रिद्धी न उण चाएण ॥
अदिजमाणा व अन्नेसिं अपरिभुज्जमाणा वि अन्तणा गोविज्जमाणा वि पच्छन्ने रक्खिज्जमाणा वि पयत्तेण असंसयं नस्सइ एसा । किं वा दाणभोग-रहियाए अवित्ति-कम्म-यर-मेत्ताए संपयाए त्ति ता बीयं पि लक्खं देहि । कुबेरेण वृत्तं - जं देवो आणवेइ । अहो ! उदारया कुमारस्स त्तिविम्हिया कुसल निउणा । चित्तवट्टियं पुणो पुणो पिच्छंतेण पढियं कुमारेणमयण-घरिणी नूणं दासी-दसं पि न पावए ।
ति - णयण - पिया पत्ता लोए तणं व लहुत्तणं ॥
सलिल-निहिणो धूया धूली-समा वि न सोहए । अमर-महिला हीला-ठाणं इमीए पुरो भवे ॥
चिंतियं कुसल - निउणेहिं- - कयत्था कणगवई कुमारी जा कुमारेण एवं बहु मणिज्जइ । संपत्तमम्हाण समीहियं । एत्थंतरे मज्जण समउ त्ति उट्ठिओ कुमारो | गया नियावासं कुसल निउणा । एवं कुमार सेवा - परा ठिया कितियं पि कालं । कुमार-रूवं आलिहिऊण चित्त वहए पत्ता कणगपुरं । दंसिओ कुमार- पडिच्छंदओ कणगडयस्स । कहिओ कुमार - वृत्तंतो । भणियं रन्नाठाणे अणुराओ कुमारीए । इमं पइ अणुरत्तो य कुमारो । तओ चउरंग-बलकलिया पेसिया कणगवई ।
Jain Education International
१०९
पत्ता मायंदीए इंदीवर - लोयणा पसत्थ- दिणे | परिणीया कुमरेणं एसा लच्छि व्व कण्हेण ॥ अह नरचंदो राया रज्जमि निवेसिऊण नरसिंहं । पव्वज्जं पडिवन्नो मुणिचंद - मुणीसर-समीवे ॥
For Private & Personal Use Only
________
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |