________________
प्रस्तावः]
१०३
मद्यपाने द्वारिकादहनकथा । ते संविग्गा रजं दाउं तस्सेव नेमि-पय-मूले। चलिया वय-गहणत्थं, अह नेमिजिणेण पट्ठविओ॥ धम्मो व्व मुत्तिमंतो चउनाणी धम्मघोस-अणगारो। तेण य विइन्न-दिक्खा पहु-पासे पंडवा चलिया ॥ छट्ठमाइ-मासडमास-छम्मास-पमुह-खमण-परा । बारसहिं जोयणेहिं सुणिउं नेमिस्स निव्वाणं ॥ संजाय-गरुय-खेया पंच वि सत्तुंजए गिरिवरंमि । कय-पायवोवगमणा केवलमुप्पाडिउं सिद्धा ॥ पुव्वं पि नव दसारा समुद्दविजयाइणो सिवादेवी । गयसुकुमालेण समं वयं पवन्ना दिवं पत्ता ॥ रुप्पिणि-पमुहाओ सिवं गयाओ अह दोवई वयं गहिउं । राईमई-समीवे अच्चुय-कप्पंमि संपत्ता ॥ वारवईइ विणासे विसुद्ध-संवेग-संगय-मणाओ। वसुदेव-रोहिणी-देवईओ पत्ताओ सुरलोयं ॥ अह तं बलदेवरिसिं पच्चंत-निवा जणाओ सोऊण । चिंतंति अम्ह रज बंछंतो को वि कुणइ तवं ॥ विजं च साहइ इमो तत्तो चउरंग-सेन्न-परियरिया। पहरण-विहत्थ-हत्था ते पत्ता राम-रिसि-पासे ॥ अह सिद्धत्य-सुरेणं विउव्विया पिंग-केसर-कडप्पा । दाढा-कराल-वयणा रामस्स चउद्दिसिं सीहा ॥ ते दद्रुण नरिंदा भीया दूराउ पणमिउं रामं । निय-निय-नयरेसु गया तत्तो लोयंमि बलदेवो ॥ नरसिंहो त्ति पसिद्धो तवं विसेसेण कुणइ पसम-परो। अन्न-दिणे पविसंतो कम्मिवि नयरंमि भिक्खत्थं ॥ बलदेवो कूव-तडे तरुणीए दिट्ठिगोयरं पत्तो। रूवक्खित्त-मणाए तीए मुत्तुं कुडय-कंठं ॥ निय-कडियल-उत्तारिय-सुयस्स कंठंमि पासओ दिनो। सो पक्खित्तो कूवे रामरिसी पिच्छए एवं ॥ तो संविग्गो चिंतइ अणत्थहेऊ अहो ! सरीरं मे । ता गिहिस्सं भिक्खं रन्ने चिय इत्थिया-रहिए ॥ .
Jain Education International
For Private & Personal Use Only
www.jainelibrary.org
