________________
कुमारपालप्रतिबोधे
[प्रथमः हरिणो जइक्कवीरस्स जेट्ठ-भाया जराकुमारोऽहं । कण्ह-वह-वजणत्थं भमामि वाहो व्व रन्नंमि ॥ जायाई वच्छराई वारस, तुम्हे वि कहह के तुन्भे ?। कण्हेण जंपियं-एहि एहि सिग्धं महाराय ! ॥ तुह बलदेवस्स य लहुय-बंधवो केसवो अहं एसो। मम रक्खत्थमरन्ने भमसि तुमं निप्फलारंभो ॥ हा ! किं एसो कण्हो त्ति संकिरो आगओ जरकुमारो । दट्टण तारिसं तं वाहाविल-लोयणो भणइ ॥ हा ! हा! हओम्हि धिडी! अहं दुरप्पा कुकम्म-चंडालो। कत्तो कहं व पत्तो इत्थ तुमं पुरिस-सहल ! ? ॥ दीवायणेण दड्डा किं नयरी जायवावि किं नट्टा ?। कण्हेण जरकुमारस्स झत्ति सिटुं जहा दिटुं॥ तो पलविउं पवत्तो सोयजर- जजरो जरकुमारो। अहह ! मए पावेणं विहियं कण्हस्स आतित्थं ॥ ता किं करेमि गच्छामि कत्थ कत्थ व गओ अहं सुगओ। होहामि भायघाया को वा मं पिच्छिउँ पि खमो॥ जावेस अत्थि लोओ तुहह नामं ताव इत्थ वित्थरिही। मह पावकारिणो उण वियंभिही एच्चिरं गरिहा ॥ तुज्झ हिय-करण-हे वणवास-किलेसमभुवगओऽहं । जेण मए निकारण-रिउणा एयं हियं विहियं ॥ ते कत्थ जायव-निवा ताओ कत्थ व कुमार-कोडीओ। कत्थ व गयाइं ताई विलासिणीणं सहस्साई ?॥ कण्हो जंपइ-पत्थिव ! अलं पलावेहिं धेहि धीरत्तं । सुविणो व्व जीवलोओ हि भंगुरो भयवया कहिओ ॥ ता मह वच्छयलाओ गहिउं कोत्थुहमणिं तुमं गच्छ । पंडव-समीवमेंसिं वुत्तंतमिणं च साहेज ॥ तह मम वयण भणेज्ज पंडवे दोवई-समाणयणे। सव्वस्स-हरण-पमुहो भए कओ तुम्ह अवमाणो ॥ तं खमह मज्झ दोसं खमा-पहाणा हि हुंति सप्पुरिसा। इय जंपिओ वि जाहे न गंतुमिच्छइ जरकुमारो॥
For Private & Personal Use Only
Jain Education International
www.jainelibrary.org
