________________
प्रस्तावः]
मद्यपाने द्वारिकादहनकथा ता भुंजसु निय-रजं मुक्को अम्हेहिं वइयरो एसो । इय भणि ते पत्ता पत्तल-तरु-पवरमुजाणं। तत्थ गलंतंसुजला नमो जिणाणं ति जंपिउं दो वि । तं अन्नं भुंजंता विसाइणो चिंतयंति इमं ॥ सुहि-सयणाइ-विइन्नं भत्तं भोत्तूण पवर-रिखिए। एवं पि भुजइ अहो ! दुसहाओ छुहा-पिवासाओ ॥ किंचि जिमिऊण चलिया कोसंबारन्नमुवगया एए । तो स-लवण-भत्ताओ मइर-पाणाओं गिम्हाओ ॥ बहु-पह-परिस्समाओ सोयाइ-सयाओ पुन्न-विगमाओ । कण्हो फुरंत-तण्हो बलदेवं जंपए एवं ॥ हे भाय ! भाय-वच्छल ! तण्हा मं बाहए, सुसइ वयणं । आणसु कत्तो वि पयं पयं पि गंतुं न सक्कोऽहं ॥ भणियं बलदेवेणं-इह तरुच्छायाए चिट्ठ अपमत्तो। विविहोवद्दव-बहुलं सव्वं पि हु सुव्वइ अरन्नं ॥ वणदेवीओ य पयंपियाओ पिय-बंधओ इमो मज्झ । तुम्हेहिं रक्खियब्वो नासो व्व समप्पिओ तुम्ह ॥ इय भणिऊण गओ सो जलत्थमह पीय-वत्थ-पिहियंगो। जाणूवरिकय-पाओ जणद्दणो सुविउमारडो॥ तत्तो पलंवकुव्वो घणु-हत्थो वग्घ-चम्म-पावरणो। हरिण-वहत्थं तं देसमागओ सो जरकुमारो ॥ कण्हो तेण घणुं कड्रिऊण मुक्केण निसिय-बाणेण । हरिण-भमेण विद्धो मम्म-पएसंमि पायतले॥ तो उहिऊण सहसा आढत्तो केसवो भणिउमेवं । केण विणा अवराहं विद्धोऽहं हंत ! पायतले ॥ न मए अन्नाय-कुलो एत्तिय-कालं कयाइ कोइ हओ। ता सिग्धं निय-गोत्तं मह अक्खउ सो जइ मणुस्सो ॥ तरु-गहणंतरिएणं जराकुमारेण चिंतियं एयं । हरिणो न होइ एसो पुरिस-विसेसो इमो को वि ॥ गोत्तं च मज्झ पुच्छइ कहेमि ता तं कहेइ जरकुमरो। वसुदेव-जरादेवीण हरिकुलुत्तंसयाण सुओ॥
Jain Education International
For Private & Personal Use Only
www.jainelibrary.org
