________________
268
९८
कुमारपालप्रतिबोधे
रामेण भणियमेयं - दक्खिण - महुरा-पुरीइ गच्छामो । अच्छंति वच्छला अम्ह बंधवा पंडवा तत्थ ॥ कण्हो भइ - ए ते विमाणिया दोवईइ आणयणे । जं गंगमुत्तरंतस्स मज्झ पट्ठाविओ न रहो ॥ पुव्वुत्तिनेहिं इमेहिं, ता कहं ताण वञ्चिमो नयरिं । भणियं बलदेवेणं - ते पंडु-सुया महापुरिसा ॥ करिहंति कहं पि न ते पराभवं परम- बंधवा अम्ह । जम्हा घरागयाणं नीओ विन दुट्टमायरइ ॥ पडिवन्नमिणं कण्हेण तो गया दो वि हत्थिकप्पपुरे । कहो जंप - बंधव ! बार्हति छुहा-तिसाउ ममं ॥ तुममपमत्तो वाहिं चिट्ठ अहं भत्त-पाणमाणेमि । जइ पुण होज अवाओ मह मज्झगयस्स तत्तोऽहं ॥ काहामि सिंहनायं आगंतव्वं तओ तए झत्ति । इय जंपिऊण पत्तो पुरस्स मज्झमि बलदेवो ॥ वत्थय- पडेण पच्छाइऊण सिरिवच्छलंछियं वच्छं । सयल-भुवणाभिरामो कंदुय हृहं गओ रामो ॥ रूवेण पमाणेण य अन्भहिओ सो असेस- मणुयाण । लोएण सव्वविजइ विम्हय-रस - वियसियच्छेण ॥ हमि अंगुलीयं समप्पिउं किणिय-भक्ख - हत्थो सो । कडय-जुयलं च दाउँ गहिय-सुरो जाव नीहरs || तावारक्खिय-पुरिसेहिं अक्खियं अच्छदंत - भूवहणो । बलदेव-समो रुवाइएहिं पत्तो नरो को वि ॥ रन्नावि ससंकेणं तं हृणिडं पेसिउं नियं सेन्नं । पहरिउमिणं पयहं बलस्स लोउत्तर - बलस्स ॥ कण्हस्स सह- सन्नं काउं सो तस्स संमुहो दुक्को । नियर्ड करिमारुहिऊण हरिण-जणस्स सीहु व्व ॥ कहो वि तत्थ पत्तो पुरग्गलं कडिऊण पहरेइ । विहि-विवलं तं भग्गं नाणज्झाणेहि कम्मं व ॥ भणिओ य अच्छदंतो- अरे दुरायार ! वारवइ - दाहे । करि तुरयाइ-वलं पिव किं बाहुबलं पि गयमम्ह ? ॥
Jain Education International
For Private & Personal Use Only
[ प्रमथः
www.jainelibrary.org
