Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 174

प्रस्तावः ]
मद्यपाने द्वारिकादहनकथा । महाराय-कण्ह ! हा राम ! हा पुत्त ! हा वच्छ! हा नाह ! परित्तायहि परित्तायहि त्ति सयलघरेसु उठ्ठिया करुण-समुल्लावा। तओ बलदेव-कण्हेहिं तुरियतुरियं गोउर-दारं जाव नीया दोवि रहा, इंदकीलेणं च ते रुहा । तओ तमिदकीलं पाएण बलदेवो जाव चुन्नेइ ताव जलणेणं तं दुवारं जालाहिं जलिउमाढत्तं । एत्यंतरे दीवायणेण संलत्तं-भो ! मए पुत्वमेव भणियं जहा तुभे दुवे मुत्तूण अन्नस्स मुक्खो नत्थि त्ति मे पइन्ना। तओ वासुदेवेण पायतलाहयं कवाडमेक धरणी-यले निवाडियं, विइयं च जालावली-पलित्तं रामेण । तओ ते वसुदेव-रोहिणी-देवईहिं भणिया-पुत्तया ! तुम्भेहिं जीवमाणेहिं जायवकुलस्स पुणो वि समुन्नई भविस्सई ता तुरिय-तुरियं वच्छया ! निगच्छह त्ति । तओ दीवायणस्स माया-पिऊणं च वयणेण सकरुणं रुयंता निग्गया कण्ह-बलदेवा । बाहिं भग्गुजाणे ठिया उज्झमाणं वारवई पिच्छंति । दीवायणेण वि सयलाई दुवाराई देव-सत्तीए ढकिऊण विसेसेण पन्जालिया नयरी । एत्थंतरे रामस्स पाण-वल्लहो पुत्तो मणुज्जो कुजवारओ नाम बालकुमारो चरम-देह-धरो सो नियय-भवणुत्तमंगे समारुहिऊण भणइ-भो ! भो ! सुणंतु समासन्नदेवय-जणा ! अरिहनेमि-सामिणो अहं सिस्सो। समणो दंतो सव्व-भूय-दयावरो मोक्खं गमिस्समि त्ति सामिणा समाइट्ठो चरमदेहो । तं जइ सचं भयवओ वयणं ता किमेयं ? ति भणिए उवटिया जंभगा देवा । तेहिं उक्वित्तो जलंत-जलणाओ। नीओ पल्हवदेसं नेमि पासे।
अह पायवोवगमणं समभावेणं अणुट्टियं तइया । कण्हस्स महीवइणो सोलस देवी-सहस्सेहिं ॥ तह पायवोवगमणं संजायं जायवाण महिलाण । सव्वासि चिय धम्मुज्जयाण जलणाउ भीयाणं ॥ इय जायवाण सही जणाण बावत्तरी य सेसाण । कुलकोडीओ दीवायणेण नयरीएँ दड्डाओ॥ एवं छम्मासेणं दड्डा दीवायणेण वारवई। तेण य पलाविया सा पच्छा पच्छिम-समुहंमि ॥ बलदेव-वासुदेवा डज्झंति पिच्छिऊण वारवई । बाह-भरियच्छि-जुयला जंपंति परोप्परं एवं ॥ नीसेस-सयण-रहिया रज-विउत्ता विण-परिवारा । भय-तरलच्छा हरिण व्व संपयं कत्थ गच्छामो ॥