Page Text
________________
९६
कुमारपाल प्रतिबोधे
अह रुप्पिणी पपइ कण्हं - पिय ! एरिसं अणिच्चत्तं । संसारिय-भावाणं विसेसओ जायव - कुलस्स ॥ ता मं विसज्ज गिण्हामि जेण नेमिस्स अंतिए दिक्खं । बाह-जल- भरिय- नयणो विसज्जए रुप्पिणि कण्हो || सा पडिवज्जड़ दिक्खं सहिया बहुयाहिं रायधूआहिं । तो जायवा ससोगा नमिडं नेमिं पुरिं पत्ता ॥ विगसिरिं पिव मन्नइ अप्पाणं रुप्पिणिं विणा कण्हो । पत्तो अरिठ्ठनेमी जण - पडिबोहत्थमन्नत्थ |
पुणो वि पुरीए कारावियं घोसणं कण्हेण जहा - भो ! जायवा ! महंतं दीवायणाओ भयमुट्ठियं ता विसेसओ धम्मविनिरया होह । वज्जेह पाणाइवाय-मुसावायादिन्नदाण-परदारपरिग्गहे । अणुचिट्ठह आयंबिल - चउत्थ-छट्ठा माइ-तव-विसेसे | अच्चेह पवित्त गत्ता पयत्तेण जिणिंदे । पज्जुवासह जिइंदिया साहुणो । तेहिं वि तहन्ति पडिवन्नमेयं । दीवायणो वि दुम्मई वारवईए विणासे कनियाणो मरिऊण समुप्पन्नो अग्गिकुमारेसु । संभरिय - पुव्व-जायववेरो आगओ वारवई-विणासणत्थं । न पभवइ जिण-वंदण-चण नियमोववासाइ- परस्स जणस्स । एवं दीवायणो छिद्दणेसि ठिओ ताव जाव गयाई बारसवरिसाई । तओ लोएण चिंतियं-नट्ठो निजिओ निप्पभो पडिहय-तवो दीवा - यो कओ त्ति निभओ वारवई-जणो पुणो कीलिउमादत्तो । कार्यबरी - पाणपरायणो जाओ । सो अग्गिकुमारो छिद्द लहिऊण वारवई विणासि भारद्घो बहुरूवे उपाए उपाएइ । जुगंत-सरिसं संवत्त-वायं विउविऊण कट्ट-तण-पत्तसंघाए. पलायंत जणे य महारवं करंते पुरीए अभितरे पक्खिवइ । पज्जालए भीसणं महंतं जलणं । पुणो पुणो उज्जाणेहिंतो तरु-गुम्म-लया-बलि-तणाईणि पक्खिवइ । घरं - घराउ उग्गेण अग्गिणा धूमेण य गंतुं न तीरइ नाणा- मणिखंड - मंडिया कणयगमया समंतओ फुहंति पासाया तडति विसहंति महीयले करि-तुरय-करह-वसह-रासह मेस-पसु-पक्खि-गणाणं महंतो दारुणो सद्दो संभूओ । जायव-जणा मत्ता पमत्ता य पियाबाह- समालिंगिया डज्झति । हाहाख-गभिणं रुयंति पियंगणाओ । तओ बलदेव - वासुदेवा दहूण डज्झमाणि वारवई मुक्क- अक्कंद-सहा पिउणो घरमुवागया । सिग्घं च रोहिणि देवई पियरं च रहमारोविऊण चलिया जाव तुरय-वसहा हुयासणेण डज्झमाणा न सकंति रहवरं समाकरिसिउं ताव ते सयमेव आयहिउं पवत्ता । एत्थंतरे हा
Jain Education International
प्रमथः ]
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |