________________
प्रस्ताव: ]
मद्यपाने द्वारिकादहनकथा ।
कण्हेण सुणियमेयं अहह ! अकज्जं कयं कुमारेहिं । जुत्ताजुत्त-वियारो दुहंताणं हवइ किं वा ॥ इय चिंततो बलदेव-संजुओ खेयनिब्भरो कण्हो । दीवायणमणुणेडं कार्यब-वर्णमि संपत्तो ॥ रोस- फुरियाहरूडो दिट्ठो दीवायणो सुणी इमिणा । नमिऊण जंपिओ सो-महरिसि ! जाणसि तुमं एयं ॥ कोहो तिव्वतवाणं तरूण दावानलो व्व खय-हेऊ । hist vis- सत्तू विवेय-जीविय-विणास-यरो | कोवं मुत्तूण अओ पडिवन्ना उवसमं महा- पुरिसा । ते बाल- मूढ - मत्ताइयाण न गणंति अवराहं ॥ तो खमसु अम्ह कुमराण मज्जमत्ताण दुच्चरियमेयं । इय भणिओ वि न मुंचइ जाहे दीवायणो कोवं ॥ ता भणियं बलदेवेण - कण्ह ! भो ! भो ! अलं पयत्तेण । कुणs निय-चितियमिमो किमन्नहा होइ जिणवयणं ॥ दीवायणेण भणियं - नरिंद ! कुमरेहिं हम्ममाणेण । कोव - वसेण पन्ना मए महंती इमा विहिया || मुत्तूण दुवे तुम्हे सयणस्स विमोक्ख-संभवो नत्थि । वारवईए विणासे ता गच्छह किं वियारेण ॥ अह सोय-भरक्कता पुरिं गया वासुदेव बलदेवा । वयणेहिं मिलाणेहिं हिम- पीडिय पंकएहिं व ॥ वित्रयं सयलाए पुरीए दीवायणस्स वयणं पि । अह पह- दाण-पुव्वं कण्हो घोसावए एयं - ॥ तव - नियम- देव-गुरु- वंदनाइ - धम्मुज्जया जणा होह । जं परिणामो नयरीए दारुणो सामिणा कहिओ ॥ एत्थंतरम्मि पुणरवि अरिठ्ठनेमी समागओ भयवं । रेवगिरि - अवयंसे सहसंबवणे समोसरिओ ॥ तो जायवा जिणिदं नमिऊण पुरो सहाइ विणिविट्ठा । संसारुव्य-करी धम्म- कहा भयवया विहिया ॥ संविग्ग-मणा पज्जुन्न - संव- निसढ - सुय-सारण-प्पमुहा । पव्वज्जं पडिवन्ना कुमरा सामिस्स पय-मूले ॥
Jain Education International
For Private & Personal Use Only
९५
www.jainelibrary.org
