Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 170

प्रस्तावः]
मद्यपाने द्वारिकादहनकथा। धम्मं समग्ग-सुह-संघडणा-निमित्तं,
मुत्तूण नत्थि सरणं भुवणे जणाणं ॥ . लद्धावसरेण भणियं कण्हेण-एसा वारवई सुवन्न-रयणाइन्ना थिरा किं न वा ? । सामी जंपइ-जं इहत्थि कयगंसव्वं पि तं भंगुरं । कण्हो पुच्छइको इमीइ निहणं काही । पहू अक्खए-सव्वेहिं सह जायवेहिं नयर नेही विणासं सुरा । कण्हेण भणियं-कहमेयं ? । सामिणा भणियं-इत्थ दीवायणो परिव्वायगो बंभयारी छ?-काल-भोई तवं चरंतो चिट्ठइ । सो सुरा-पाणमत्तेहिं संवाइ-कुमारेहिं कोविओ बारवई विणासेही । जायव-कुलस्स अंतं काही । पुणो पुच्छियं कण्हेण-सामि ! कत्तो मे मरणं भविस्सइ ?। सामिणा कहियं-जो एस ते जेहभाया वसुदेव-पुत्तो जरादेवीए जाओ जरकुमारो नाम, इमाओ ते मच्चू । तओ जायवाण जरकुमारे सविसाया सोएण निवडिया दिठ्ठी । चिंतियं इमिणा-अहो ! कट्टे कटं अहं वसुदेव-पुत्तो होऊण सयलजणमिट्ट कणिर्थी भायरं विणासेहामि त्ति । तओ आपुच्छिऊण जादव-जणं जण-द्दण-रक्खणत्थं गओ वणवासं जरकुमारो । तंमि गए हरिपमुहा जायवा जाय-सोया जयं पि सुन्नं व मन्नंति पणमिऊण अरिष्टनेमि जीव-लोयस्स विसेसओ वारवईए जायव-कुलस्स य अणिच्चयं चिंतंता पविट्ठा नयरिं । घोसावियं पुरीए कण्हेण जहा-सुरा समग्गा वि कायंब-वण-गुहाए परिहरियव्वा पयत्तेण । जम्हा नेमिजिणेणं बजरियमिणं सुरा-पमत्त-मणा दीवायणं महारिसिं कुमरा खलियारइस्संति।सो कुविओ वारवई विणासिही, सयल-जायवसमेयं । तो किंकरहिं नेऊण तत्थ सव्वा सुरा चत्ता।
सा य सिला-कुंडेसुं कायंब-वर्णमि तेहिं पक्खित्ता। कायंबरी-गुहाए भन्नइ कायंबरी तेण ॥ अह बलदेवस्स लहू भाया नामेण अत्थि सिद्धत्थो। नेहेण सारही सो तस्सेव भणइ तं एवं ॥ संसारो जम्म-जरा-मय-मरण-प्पमुह-दुह-भरकंतो। खण-भंगुरो य एसो विसेसओ जायव-कुलस्स ॥ ता मं विमुंच गिण्हामि जेण पहु-नेमिनाह-पय-मूले । मुक्ख-सुह-रुक्ख-मूलं दिक्खं कम्म-क्खपण-दक्खं ॥ नाऊण निच्छयं से बलदेवो भणइ कुरु तुमं एवं। किंतु वसणंमि कंमिवि पडिबोहिजसु ममं भद्द ! ॥