________________
[प्रथमः
कुमारपालप्रतिबोधे जिणधम्म-कम्म-निरओ कालं गमि सदार-संतुट्टो । पज्जंत-गहिय-दिक्खो मरिऊण इमो गओ सुगई ॥
इति वेश्या-व्यसने अशोक-कथा । रना भणियं-भयवं ! वेसासु मणं अहं पि न करिस्सं ।
गुरुणा भणियं-भवउ उत्तम-पुरिसस्स जुत्तमिणं ॥ संपयं मज-वसण-दोसे सुणसुनच्चइ गायइ पहसइ पणमइ परिभमइ मुयइ वत्थं पि । तूसइ रूसइ निकारणं पि मइरा-मउम्मत्तो॥ जणणिं पि पिययमं पिययमं पि जणणिं जणो विभावंते । मइरा-मएण मत्तो गम्मागम्मं न याणेइ ।। न हु अप्प-पर-विसेसं वियाणए मज-पाण-मूढ-मणो। बहु मन्नइ अप्पाणं पहुं पि निब्भत्थए जेण॥ वयणे पसारिए साणया विवरब्भमेण मुत्तंति। पह-पडिय-सवस्स व दुरप्पणो मज्ज-मत्तस्स ॥ धम्मत्थ-काम-विग्धं विहणिय-मइ-कित्ति-कति-मजायं । मज्जं सव्वेसि पि हु भवणं दोसाण किं बहुणा ? ॥ जं जायवा स-सयणा स-परियणा स-विहवा स-नयरा य । निच्चं सुरा-पसत्ता खयं गया तं जए पयडं ॥
आसि पुरी वारवई सुरह-विसयंमि सव्व-कणय-मई । डज्झंत-महण्णव-तीर-खित्त-वडवानल-सरिच्छा॥ गयण-यल-पसरिएणं पिसंडि-पासाय-कंति-पडलेणं । जा कणय-सेल-संकं दूराउ जणस्स संजणइ॥ अक्के व्व जस्स चक्के फुरिए रिउ-तिमिर-मंडलं खीणं । भुवणद्धरण-सयण्हो कण्हो सो तत्थ नर-नाहो ॥
सो दसहिं दसारेहिं जेट्ट-भाउणा बलदेवेण संव-पज्जुन्न-पमुह-कुमारअडुट्ट-कोडीहिं अणेग-विलासिणी-सय-सहसेहिं य सहिओ संपज्जंत-चिंतियमणोरहो रज्जसुहं भुंजई । अन्नया तत्थ भयवं अरिहनेमी समागओ। कयं तियसेहिं समोसरणं। सयल-जायव-समेओपत्तो कण्हो । कया सामिणा देसणा।
पाणेसु निच्च-पहिएसु चले सरीरे,
तारन्नयंमि तरले मरणे धुवंमि ।
Jain Education International
For Private & Personal Use Only
www.jainelibrary.org
