Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 167

कुमारपालप्रतिबोधे
[प्रथमः स्थाहरणाई परिहिऊण असोग-दिनेण महाविभवेण तुमं अच्चियव्वो । अन्नहा तुह अग्गओ अग्गी-साहियव्यो। ता पिययम ! संपाडेसु सव्वमेयं । तं सोऊण असोगो ठिओ तुहिक्को । तओ भणियं कामलयाए-नाह ! नाहं वल्लहा ते किं तु तुमं धणं बहु मन्नेसि, ता किं मे जीविएणं ति भणिऊण जक्खस्स पुरओ रयाविया चंदणागरु-कट्ठ-निचिया चिया । अकय-सोयस्स असोयस्स पचक्खं पविट्ठा तत्थ सा । जालाजाल-पल्लविय-दिसिमुहो पज्जालिओ हुयवहो । समुच्छलिओ लोय-कलयलो । विसाय-विसहर-डक्काहिं व अकं दियं अकाहिं । खणमेत्तेण भासरासी हूआ चिया । कामलया पुण ततो विणिग्गया पुव्व-कय-सुरंगाए । कवडमिणं अमुणंतो गओ असोगो परं सोगं । कय-कवड-विसेसाओ वेसाओ इमाओ कहवि न मरंति । जणिय-जलण-प्पवेसा वेसा एसा न होइ फुडं । ता जं इमा मरती उवेक्खिया तं मए कयं न सुहं । चुक्को अहं अभग्गो हा ! एरिस-रमणी-रयणस्स । इय विलवंतो जा कुटिणीण पासंमि अच्छइ असोगो कय-पुरिस-वेज्ज-रूवा ता अन्ना कुहिणी भणइ-कुछ-भगंदर-खय-सास-कास-पमुहे हरामि रोगेऽहं । मंतोसहेहिं रंभेमि थावरं जंगमं च विसं । रकेमि जक-रकस-डायणि-भूय-ग्गहाइणो दोसे । जीवावेमि अयं पि हु किं बहुणा अत्थि जा छारो । इमं सोऊण भणियं असोगेण-भद्द ! जइ एवं ता जीवावेसु मे हियय-वल्लहं । वेज्जेण वुत्तं-दंसेसु छारं । दसिओ सो। वेज्जेण भणियं-बहुणा दव्व-वएण इमं कज्ज सिज्झइ। असोगेण भणियं-अहं करिस्सं व्व-व्वयं । तओ तत्थ कराविओ मंडवो। आलिहियं मंडलं । पारडो होमो । सत्तम-दिणे सुरंगामग्गेण आगया कामलया। आणंदिओ असोगो । पेम्म-संरंभ-विंभलंगेण आलिंगिया तेण एसा
अह कामलयाए नेह-मोहिओ देइ मग्गियं विहवं । थेव-दिणेहिं असोगो संजाओ खीण-सयल-धणो॥ तो निडणो त्ति मुणिउं तीए निस्सारिओ नियघराओ। सो साहा-चुक्को मक्कडो व्व जाओ विलक-मणो॥ चिंतेइ इमं हा ! एत्तियं पि मूढेण जाणियं न मए । किं कत्थवि कहवि मया छारीभूया य जीवंति ? ॥ मं वंचिउं इमीए निन्नेहाए कयं मरण-कवडं । घेत्तूण धणं इहरा घराओ निस्सारिओम्हि कहं ॥ मह वेसा-चरिय-पढाबणात्थमत्थ-व्वओ कओ पिउणा ।