________________
प्रस्तावः]
वेश्याव्यसनविषये अशोककथा । दस-लक्ख-मुल्लं भंडं गहिऊण गओ गयउरं नयरं असोगो। पवत्तो तत्थ ववहरिखं । दिट्ठो कामलयाए गणियाए। ता कहं पिगिण्हामि इमस्स धणं ति चिंतिऊण पलोइओ विलास-पेसलाए दिट्ठीए, धण-गहण-कयावेसा वेसा एस त्ति चिंतिउं इमिणा भय-विस-विसंतुलेणं सिग्धं वग्घि व्व सा मुक्का । तीए य दिहि-दूई पट्ठविउं वंचिउं असक्काए पच्छा तं आणेउं पट्टविया चेडिया दूई ।
तीए वि भणिइ-निउणाए आणिउं सकिओ न सो गेहं । पच्छा गया सयं चिय कामलया तस्स आवासे ॥ भणिओ इमीए-जप्पभिह सुहय ! दिट्ठोसि अमर-कुमरो व्व । तप्पभिई मइ जाओ कुसुमसरो तत्त-लोह-सरो॥ ता काऊण पसायं मह हिययं जह अलंकियं तुमए । तह मज्झ मंदिरं पि हु निय-आगमणेण मंडेसु॥ . एवं भणिओ वि इमो कामलयाए गिहे न संपत्तो । ता पइदिणमाढत्ता तं पइ सा पत्थणं काउं॥ पइदियह-पत्थणाए जाओ ता निट्टरो वि मउय-मणो । जं पत्थरो वि भिजइ निरंतरं नीर-पूरेण ॥ धणमेव न दायव्वं को मह दोसो इमीए गिह-गमणे ।
इय चिंति असोओ कामलयाए घरं पत्तो॥ भणियं इमीए
अज्जु विहाणउं अज्जु दिणु अज्जु सुवाउ पवत्तु । अज्जु गलत्थिउ सयलु दुहु जं तुहुं मह घरि पत्तु ॥ इय चाडु-वयण-संजणिय-संभमो निच्चमेइ तग्गेहे । सो तदुवरोहओ चिय ताए सह कुणइ संभोगं ॥ वेसा-जणोचियेहिं कवडोवाएहिं किंतु विविहेहिं।
सो मग्गिओ वि तीए मणिच्छियं देइ नहु वित्तं ॥ तओ पाडवेसिय-कुटिणीओ मेलिऊण भणिया कामलया कुट्टिणीएबहु-प्पयारं पि पत्थिओ इमो न देइ निय-विहवं । ता नूणं सिक्खविओ कीए वि वेसा-सरुवं । ताहिं भणियं-जीवंत-कवडाइं कयाई कामलए ! तए, संपयं मय-कवडाई करेसु । तीए वुत्तं एवं करिस्सं । तओ भणिओ असोगो-तइ मह घरं अणागच्छंते गेहासन्नस्स गोमुह-जक्खस्स कयं मे उवाइयं, जइ जक्ख ! मे घरं आगमिस्सइ असोगो, ता मए असोग-दिन्नाइं पसत्थ-व
Jain Education International
For Private & Personal Use Only
www.jainelibrary.org
