Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 165

कुमारपालप्रतिबोधे
[प्रथमः पालंति न वेसाओ निय-जीहाए वि पडिवन्नं ॥ मयणाए अणुरत्तो भद्दो नाम वाणिउत्तो। निद्वणो त्ति तं न कामए मयणा । सो पराभव-पयं अप्पाणं मन्नतो अत्थत्थी गओ असोया-देवीए भवणं । अचिऊण तं निविट्ठो तीए पुरओ । परिचत्त-चउब्विहाहारो ठिओ अट्ठ अहोरत्ताई । अट्ठम-रयणीए भणिओ देवयाए-भो ! किमेवं चिट्ठसि ? । भद्देण भणियं-देवी! धणत्थी तुमं सेवेमि । देवीए वुत्तं-नत्थि ते पुन्नं । तेण वुत्तं-जइ मे चिंतामणी-पयाणेण पसायं करेसि तो उट्टेमि, अन्नहा एत्थेव किमिपुंजो होमि । मुणिय-तनिच्छयाए देवयाए दिनो तस्स चिंतामणी कहियं च-पंच-परमिटि-भंत-सरण-पुव्वं मग्गिओ पइदिणं पंच-दिणार-सचाई वियरिस्सइ एसो त्ति तिरोहिया देवी । सो वि चिंतामणी-माहप्पेण संपुन्न-मणोरहो विलसइ । सधणो त्ति मुणिउं मयणाए पवेसिओ नियघरं । देह एसोज मग्गियं । चिंतियं मयणाए-नूणं इमस्स परिग्गहे अस्थि चिंतामणी, अन्नहा कहं एरिसी दाण-सत्ती, ता तं गिण्हामि । तओ पहाणोवविट्ठस्स तस्स कुप्पासं खल्लयाओ गहिओ तीए चिंतामणी । पुणो किंपि मग्गिएण निहालियं अणेण खल्लयं । तं अपेच्छन्तेण पारद्धा गवसणा । भणियं मयणाए-पज्जत्तं तुह दाणेण । मा मे परियणं अब्भक्खाणेण दुमिहिसि, ता निग्गच्छ गेहाओ । भद्देण चिंतियं-नूणं इमीए हरिओ चिन्तामणी, कहं अन्नहा सिद्ध-कज्जं व निद्दक्खिण्णं जंपइ, परं किं किरइ अदिट्ट चोरो राय त्ति विलक्खचित्तो निग्गओ भद्दो । चिन्तियं असोएण
न दया न लोय-लज्जा नाकित्ति-भयं न पाव-संका य।
अत्थ-गहणत्थ-विरइय-विविह-किलेसाण वेसाण ॥ एवं ठिओ वरिसमेकं असोओ। जंपिया अणेण कुट्टिणी-मुणियं मए वेसा-सरुवं । नीओ असोगो सुंदर-समीवे तीए । भणिओ सुंदरो-जाणाविओ मए तुह सुओ वेसा-सरूवं, कहं पि न वंचिजइ वेसाहिं । सुंदरेण दिण्णं पडिवन्नं दीणारलक्खं कुहिणीए । अइकंतो कोइ कालो । कयाइ चिंतियं असोएण
सोहइ सिसुत्तणेचिय न जुव्वणे जुयमिणं मणुस्सस्स । जणणि-थण-दुद्ध-पाणं पिउ-लच्छीए य परिभोगो॥
ता गंतूण देसंतरं विढवेमि विहवं, तोसेमि सयण-गणं, करेमि देवगुरुपूयं, पूरेमि समग्ग-मग्गण-मणोरहे । तओ जणणी-जणायाणुन्नाओ दीणार