________________
प्रस्तावः]
वेश्याव्यसने अशोककथा ।
तुह संतियं च नामं सुयस्स दाहं ति तप्पभावेण । लच्छीए संजाओ गम्भो समए पसूया सा ॥ जाओ पुत्तो तो सुंदरेण तोसं गएण कारवियं । नचंत-रमणि-चकं वडावणयं पबंधेण ॥ अह पडिपुन्ने मासे गंतुं जिण-मंदिरे विभूईए । भुवणच्छेरय-भूओ विहिओ पूआ-महो तेण ॥ सीयलजिणस्स तह देवयाइ पाएसु पाडिओ पुत्तो। नामेण असोयाए इमो असोओ त्ति वज्जरिओ ॥ पत्तो कमेण वुढेि सयल-कलाओ गहाविओ समए । मयरडय-केलिवणं जोव्वणमारोदुमाढत्तो॥
जाया सुंदरस्स चिंता-पाएण पणांगणासत्तस्स पुरिसस्स व्वक्खओ दीसइ, ता जाणावेमि पुत्तं वेसा-सरूवं, जेण वेसासु वीसासं न करेइ एसो त्ति । तओ भणिया चंडा नाम कुट्टिणी-भद्दे ! मह पुत्तं जाणावेसु वेसा-सरूवं, देमि ते दीणार-लक्खं ।
निय-दोस-पयडणं पि हु लुडाए कुट्टिणीए पडिवन्नं । अहवा तं नत्थि धणेण जं न कुव्वंति एयाओ॥ तो चंडाए नीओ स-गिहमसोओ पयंपिओ एवं । तुह वेसाण सरूवं जहट्टियं पुत्त ! साहेमि ॥ वर-वत्थाहरण-विहूसियाओ वेसाओ जइ वि दीसंति ।
तह वि विभाविजंतं न सोहणं किं पि एयासिं ॥ जओ
अमुणिय-जाइ-कुलाओ छुहाकुलाओ अदंसणिज्जाओ। किणिऊण परेहिंतो इमाओ विप्पंति बालत्ते ॥ अंगाई भंजिउं विरसमारडंतीओ नट्ट-निउणेहिं । लहि-लयाए हणिऊण सिक्खविज्जति नट्ट-विहिं॥ परिकम्मिऊण अंगं विविह-पयारेहिं जोव्वणत्थाओ। चित्तं वित्तं च परस्स लिंति अप्पंति नउ निययं ॥ बहु-कवड-चाडु-वयणेहिं नेहमुप्पाइऊण पुरिसस्स । गिण्हंति धणं तं निडणं च निद्धं पि मुंचंति ॥ कय-विविह-विप्पियाओ वि अलिय-वयणेहिं पत्तियाविति ।
Jain Education International
For Private & Personal Use Only
www.jainelibrary.org
