Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 159

कुमारपालप्रतिबोधे
[प्रथमः यणाई गओ उदयणो । एवं सेलाओ वि तिन्नि मुत्तघडियाओ भग्गाओ । कोसंबिं पविट्ठो उदयणो । अन्नया उजेणीये उपायग्गी उडिओ कहिं पि नोवसमइ । रन्ना अभओ पुच्छिओ । सो भणइ-'विषस्य विषमौषधम् , अग्नेरग्निरेव ।' तो अग्गीओ अन्नो अग्गीकओ । तेण सो आहओ अग्गी, तओ थको जलंतो । तइओ रक्षा दिन्नो वरो । एसो वि ठाविओ अभएण रन्नो पाते। अन्नया उजेणीए असिवं उपट्टियं । अभओ पुच्छिओ उवसमोवायं, भणइअभितरियाए अत्थाणीए देवीओ विभूसियाओ इतु जा तुम्हेहिं रायालंकारभूसिएहिं दिट्ठीए जिणइ तं मे कहिाजहं । तहेव कयं । राया पलोएइ, सव्वाओ हेहामुहीओ ठायति । सिवाए राया जिओ । कहिअं अभयस्स । अभओ भणइ-रत्तिं अवसणा एसा कूरबलिं करेउ । जं भूयं उइ तस्स मुहे कूरं छुहउ । तहेव कयं । तिए चउक्के अद्यालए य जाहे देवया सिवारूवेण वासइ, ताहे कूरं तस्स मुहे छुहइ, भणइ य-अहं सिवा गोपालग-पालग-माय त्ति । एवं सव्वाणि विनिज्जियाणि भूयाणि । जाया पुरीइ संती । देइ चउत्थं वरं निवो तस्स । चिंतइ अभयकुमारो, चिहिस्सं केचिरं इत्थ, रायगिहं वच्चामि त्ति । तो भणइ-देव ! देहि मज्झ वरं । रन्ना वुत्तं-मग्गसु । अह अभओ जंपए एवं
नलगिरि-हत्थिहिंमिं ठितई सिवदेविहि उच्छंगि ।
अग्गिभीरु-रह-दारुइहि अग्गि देहि मह अंगि ॥ बुद्धीए अत्ताणं विसज्जावेइ ति चिंतिऊण रन्ना सकार-पुव्वं विसज्जिओ अभओ, भणइ-तुम्हेहिं छलेण अणिओ अहं, मह पुण पइन्नं सुण
करिवि पईवु सहस्सकरु नगरीमज्झिण सामि !
जइ न रडंतु तई हरउं अग्गिहिं पविसामि ॥ .. तं भज्जं चित्तूण गओ अभओ रायगिह, ठिओ कंचि कालं । पच्छा चंद-सुंदर-वयणाओ कमल-दल-दीह-नयणाओ वित्थिण्ण-थण-कलसाओ विवि ह-वियारेसु अणलसाओ दो गणियाओ घेत्तूण वणिय-वेसेण पत्तो उज्जेणिं । राय-मग्गे गिण्हए आवासं । अन्नया दिवाओ पज्जोएण गणियाओ। ताहि विस-विलासाहि दिट्ठीहिं निज्झाइओ गओ नियावासं । पेसह दूइं। ताहिं कुवियाहिं व धाडिऊण दूई भणियं, न होइ एस राया जो पर-महिलमहिलसइ त्ति। बीय-दिणे सणियं रुटाओ। तइय-दिणे भणिया दूई-सत्तमे दिवसे देवउले देवजत्तं करिस्सइ अम्ह भाया तत्थ रहो त्ति आगच्छ । अन्नया भाया रक्खइ।