Page Text
________________
कुमारपालप्रतिबोधे
[प्रथमः एग-दिवसेण एइ पंचवीसं जोयणाई, ता पुणो पुणो सदाविज्जामि । अओएयं मारेमि, जो पुण अन्नो होही सो बहुएहिं दिवसेहिं एही, एचिरंपि कालं सुहेण चिट्ठामि । तओ तेण रन्ना तस्स संबलं दिन्नं । सो नेच्छइ तो विहीए दवावियं । तत्थ वि से विस-संजोइया मोयगा दिन्ना, सेसगं संबलं हरियं । सो कइवि जोयणाइ गंतूण नइ-तीरे भुतुमाढत्तो, जाव सउणो वारेइ । उद्वित्ता पहाविओ गओ दूरं । पुणो वि भुजंतो वारिओ सउणेण, एवं तइय-वारं पि वारिओ। तेण चिंतियं-भवियव्वं कारणेणं ति पज्जोयस्स पासं पत्तो, निवेइयं राज-कज्जं । रन्ना पुच्छिओ-छुहिओ व्व तुमं दीससि । कहियं तेण भोयणाकरण-कारणं । अभओ वियक्खणो त्ति सदाविओ रन्ना । कहिऊण पुव्ववुत्तंतं दंसिया संबलत्थईया। तं अग्याइऊण अभओ भणइ-एत्थ व्व-संजोएण दिट्टिविसो सप्पो समुच्छिमो जाओ। जइ उग्घाडियं होतं संबलं तो दिह्रिविसेण सप्पेण एसो डसिओ होतो। रन्ना वुत्तं ता किं किज्जउ ? । अभएण भणियं-वण-निउंजे परंमुहो मुच्चउ । तहेव कयं ।
अहिणो दिद्विविसेणं वणाई दड्डाई सन्जण-मणाई।
खल-वयण-दुव्वयणेण व मओ य सप्पो मुहुत्तेण ॥ तुट्ठो राया, भणिओ अभओ-बंधण-मोक्ख-वज्जं वरं वरेहि । अभओ भणइ-तुह चेव पासे अच्छउ वरो । अत्थि पज्जोयस्स धूया वासवदत्ता नाम । सा बहुयाओ कलाओ सिक्खाविया । तीए गंधव्व-कला-जाणणत्थं गंधव्व-कला-कुसलं उदयणं आणेमि त्ति चिंतंतेण सुयमेयं-जहा उदयणो जत्थ हत्यि पेच्छइ तत्थ गायइ, जाव बद्धं पि अप्पाणं न याणइ । तओ रन्ना जंतमओ हत्थी कारिओ।नीओ कोसंबी-समासन्ने रन्ने । ठावियं तस्स अदूरासन्ने सिन्नं । तं हत्थि सोऊण पत्तो उदयणो । पवत्तो गाइउं । हत्थीवि वियरंतो गीय-परवसो व्व ठिओ निच्चलो। आढत्तो उदयणो तं आरोहिउं । बद्धो हत्थि-मज्झ-ठिय-पुरिसेहिं । सिन्नेण आणिओ पज्जोयण-सगासं । भणिओ रन्ना-मम धूया काणा तं सिक्खवेहि गीय-कलं, तं च मा पेच्छसु, सा तुमं दट्टण मा लजउ त्ति। तीए वि कहियं-उवज्झाओ कोढिओ मा दच्छिसि त्ति। सो य जवणियंतरिओ तं सिक्खवेइ । सा तस्स सरेण हीरइ, कोढिओ त्ति न जोइयइ । अन्नया जइ पेच्छामि एवं ति चिंतंती अन्नहा पढइ । तेण रुटेण भणिया-किं काणे ! विणासेहि ? । सा भणिया-कोढिया ! अप्पाणं न याणसि । तेण चिंतियं-जारिसो अहं कोढिओ तारिसी एसा काण त्ति जवणिया अवणीया।
Jain Education International
For Private & Personal Use Only
www.jainelibrary.org.:
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |