Page Text
________________
प्रस्तावः]
परदारगमनविषये प्रद्योतकथा ।
ठियाओ अम्हे । धम्म-कहाहिं चिरं ठाऊण गयाओ सहाणं । बीय-दिवसे अभओ एक्कग्गो तुरयारूढो गओ तासिं आवासे निमंतेउं । ताहिं वुत्तं
जं आगओ सि सावय-सिरोमणी ! इत्थ अम्ह पारणए। जायाओ सयल-कल्लाण-भायणं तं धुवं अम्हे ॥ नहि चिंता-रयणं चडइ कर-यले कहवि पुन्न-रहियस्स।
किं वा कप्प-महीरुह-उप्पत्ती होइ गेहंमि ॥ ता करेह भोयणं । मए भोयणं अकुणंते इमाओ वि मे घरे न भुंजिहिंति त्ति चिंतंतो तत्थ भुत्तो अभओ।ओसह-संजोइयं पाइओ महुं । तव्वसेण सुत्तो सो । आस-रहेहिं आरोविऊण पाविओ सो उजेणिं, उवणीओ पज्जोयस्स । भणिओ तेण-कत्थ ते पंडिचं। अभएण भणियं-धम्म-च्छलेण वंचि
ओ म्हि । पजोएण भणिओ अभओ-मए अविसज्जिएण तुमए न गंतव्वं ति देहि मे वायं । अभएण वुत्तं-एवं करिस्सं । इओ य सेणियस्स रन्नो विजाहरो मित्तो । तस्स मित्ती-थिरीकरणत्थं दिन्ना सेणिएण सेणा नाम निय-बहिणी। परिणिऊण विजाहरेण नीया निय-नगरं । सा य तस्स अचंत-वल्लाहा। धरणि-गोयरी वि रूवाइगुणेहिं अम्ह अभत्थिय त्ति असहंतीहिं विजाहरीहिं मारिया सा । तीए य धूया सा तेण मा एसा वि मारिज्जिहि त्ति सेणियस्स उवणीया । तं जोव्वणत्थं परिणाविओ अभओ सेणिएण ।
सावि हु रुवाईहिं अभयस्स अईव बल्लहा जाया। नहि नियगुणे विमुत्तुं जयंमि अन्नं वसीकरणं ॥ तं विज्जाहर-धूयं दटुं न तरंति सेस-भज्जाओ॥
तुच्छ-पयईण महिलाण मच्छरो होइ किं चोज्जं ॥ तओ ताहिं मायंगिं ओलग्गिऊण आरोविओ इमीए 'रक्खसि' त्ति कलंको । धिक्कार-पुव्वं नयराओ निस्सारिऊण सा परि-चत्ता। अरन्ने भमंती दिट्ठा तावसेहिं । करुणाए पुच्छिआ-भद्दे ! कासि ? कत्तो वा तुमं ?। तीए कहिओ निय-वुत्तंतो । ते य तावसा सेणियस्स पुवया, तेहिं अम्हं 'नत्तुय , त्ति सा रक्खिआ । अन्नया उज्जेणीए नेऊण सिवाए समप्पिया सा विज्जाहर-धूया, पुव्व-भज्जा अभयस्स पज्जोएण अप्पिया। तीए समंवसइ अभओ। पज्जोयस्स चत्तारि रयणाणि-१ लोहजंघो लेहारिओ, २ अग्गीभीरू रहो, सो किर अग्गिणा न डज्झइ, ३ निलगिरी हत्थी, ४ सिवादेवि त्ति । अन्नया सो लोहजंघो भरुयच्छं विसज्जिओ रन्नो समीवं । तेण रन्ना चिंतियं-एस
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |