________________
७८
कुमारपालप्रतिबोधे
[प्रथमः तेण तुह सेणियस्स य तुल्लत्तणओ भणामि हिय-वयणं । मह पिउणा तुज्झ निवा वसीकया व्व-दाणेण ॥ ता बंधिऊण एए तुममप्पिस्संति सेणिय-निवस्स।
जइ नत्थि पञ्चओ तो निव-आवासे खणावेसु ॥ पज्जोएण तहेव कयं, दिट्ठा दीणार-कलसा, सासंक-चित्तो नहो पज्जोओ। पच्छा सेणिएण निग्गंतूण पजोयस्स बलं विलोडियं । उज्जेणीए पत्तस्स पजोयस्स सव्वे वि रायाणो भणंति-न एयरस कारगा अम्हे, अभएण एसा माया कया, जं भणेह तेण दिव्वेण सुज्झामो । चिंतियं पज्जोएण-नूणं एवमेयं, अन्नहा कहं कहेइ अभओ मे सेणिय-मंतं। नहि तस्स सेणियाओ अहं सिणेहगेहं। अन्नया अत्थाणीएणभणियं पजोएण-अस्थि को विजोअभयं इहाणेन्ज । तओ एगाए गणियाए भणियं-अहं आणेमि, नवरं दुन्नि वि इत्थिआओ नव-जुब्वणाओ मे दिजंतु । रन्ना दिन्ना ताओ । सिक्खियं ताहिं समं तीए संजईण समीवे कवड-सावियत्तणं। तओ वाहण-सामग्गीए थेर-पुरिस-परिगया गया सा रायगिहं । ठिया बाहिं उजाणे ।
सा गरुय-विभूईए पुरमज्झे चेहयाई वंदंती। राय-करावियमचंत-मणहरं जिणहरं पत्ता ॥ महुर-सरेण पूया-पुरस्सरं तत्थ वंदए देवं । तं मुक-भूसणं ताहिं परिगयं पेच्छए अभओ॥ जिण-वंदणावसाणे तं पुच्छइ-का तुमं ? इमा का वा ? । कत्तो वा आगयाओ त्ति ? ओणय-मुही कहइ एसा ॥ उजेणी-वत्थव्वा अहं महेब्भस्स भारिया विहवा । मम पुत्तय-घरिणीओ दो वि इमा देव्वजोगेण ॥ पुत्ते मयम्मि मरणत्थिणीओ अम्हे गुरुस्स पयमूले ।
नीयाओ सयणेहिं अम्ह कया देसणा गुरुणा ॥ लहरी-तरलंजीयं रूवं सुरिंद-धणूवमं धयवड-चलं लच्छि विज्जुछडा-चवलं बलं सुविण-सरिसं नेहं देहं पईव-सिहा-समं मुणिय मइमं सम्मं धम्मे हवेज कउनमो।तं सोऊण संविग्गाओ विसय-सुह-विरत-चित्ताओ पव्वइउ-कामाओ अम्हे गहिय-पव्वंजेहिं सिद्धंत-पढणेण न तीरंति चेइयाई वंदिउं ति, तव्वंदणत्थं निग्गयाओ । अभएण भणियं-पाहुणिया होह । ताहिं वुत्तं-अब्भत्त
Jain Education International
For Private & Personal Use Only
www.jainelibrary.org
